જામનગર, તા. 6 ડિસેમ્બર 2021 સોમવાર
જામનગર તાલુકાના વસઈ ગામમાં તેમજ કાલાવડમાં માછરડા સોસાયટી માં જાહેરમાં ગંજીપાના વડે જુગાર રમી રહેલા 12 શખ્સોની પોલીસે અટકાયત કરી લઇ તેઓ પાસેથી રોકડ રકમ અને જુગારનું સાહિત્ય કબજે કર્યું છે.
જામનગર તાલુકાના વસઇ ગામ માંથી જાહેરમાં ગંજીપાના વડે હારજીતનો જુગાર રમી રહેલા નરેન્દ્ર રતિલાલ ચૌહાણ, જગદીશ ગાંગા ભાઈ માતંગ, મોહન કારાભાઈ પરમાર અને ઘેલાભાઈ કુંભાભાઈ ચૌહાણ વગેરેની અટકાયત કરી લઇ તેઓ પાસેથી રૂપિયા 10,340ની રોકડ રકમ અને જુગારનું સાહિત્ય કબ્જે કર્યું છે.
આ ઉપરાંત જુગાર અંગેનો બીજો દરોડો કાલાવડના માછરડા સોસાયટી વિસ્તારમાં પાડયો હતો. ત્યાંથી જાહેરમાં ગંજીપાના વડે જુગાર રમી રહેલા પ્રફુલ ઉકાભાઇ સોંદરવા, પુંજાભાઈ લાખાભાઈ સોંદરવા સહિત આઠ આરોપીઓની અટકાયત કરી લઇ તેઓ પાસેથી રૂપિયા 10,640ની રોકડ રકમ અને જુગારનું સાહિત્ય કર્યું છે.
