કાલાવડ નગરપાલિકાના એક બેઠકની પેટા ચૂંટણીમાં ભાજપનો વિજય

જામનગર, તા. 1 ડિસેમ્બર 2021 બુધવાર

જામનગર જિલ્લાની કાલાવડ નગરપાલિકાના વોર્ડ નં. 3ની પેટા ચૂંટણી યોજવામાં આવી હતી. જેમાં ભાજપનો વિજય થયો છે.

કાલાવડ નગરપાલિકાના વોર્ડ નં. 3ની પેટા ચૂંટણી યોજવામાં આવી હતી. મંગળવારે મામલતદાર કચેરીમાં યોજાયેલ મતગણતરીમાં ભારે રસાકસી પછી ભાજપના ઉમેદવાર પરેશભાઈ કાછડિયા વિજેતા બન્યા હતા. આ ચૂંટણીમાં કુલ 2338 લોકોએ મતદાન કર્યું હતું. જેમાં કોંગ્રેસના ઉમેદવાર અબ્દુલભાઈ સમાને 1142 અને ભાજપના ઉમેદવાર પરેશ કાછડિયાને 1151 મત મળ્યા હતાં.

અત્રે ઉલ્લેખનિય છે કે, વોર્ડ નં. 3મા કોંગ્રેસના સદસ્યનું મૃત્યુ થતાં આ પેટા ચૂંટણી યોજવામાં આવી હતી. કુલ 28 બેઠકવાળી કાલાવડ નગરપાલિકામાં ભાજપનું સંખ્યાબળ હવે કુલ 19 નું થયું છે.