જામનગર જિલ્લામાં લોક ડાઉનલોડ-1 દરમિયાન 929 FIR દાખલ, 2,542 વાહનો ડીટેઇન

જામનગર, તા. 15 એપ્રીલ 2020, બુધવાર

જામનગર જિલ્લામાં એકવીસ દિવસનું લોક ડાઉન જાહેર કરાયા પછી લોક ડાઉન ના સમયગાળા દરમિયાન સમગ્ર જિલ્લામાં લોક ડાઉન નો ઉલ્લંઘન કરવા અંગેની 929 પોલીસ ફરિયાદ કરવામાં આવી છે. જેમાં 643 લોકોની અટકાયત કરી લેવામાં આવી છે. ઉપરાંત 2542 જેટલા વાહનો ડિટેઇન કરાયા છે.

જામનગર શહેર અને જિલ્લામાં લોક ડાઉન જાહેર કરાયા પછી ગઈકાલે 14મી તારીખે લોક ડાઉન-1નો સમયગાળો પુર્ણ થયો ત્યાં સુધીમાં પોલીસ દ્વારા લોક ડાઉનલોડનું ઉલ્લંઘન કરનારાઓ સામે લાલ આંખ કરી 929 જેટલી એફઆઈઆર દાખલ કરી છે. જે પૈકી 643 લોકોની ધરપકડ કરી લેવામાં આવી છે. ઉપરાંત બાકીનાં 2500થી વધુ લોકોને નોટિસ આપી જવા દેવામાં આવ્યા છે.

ગઈકાલે લોકડાઉનનાં અંતિમ દિવસે પણ 42 જેટલી એફઆઇઆર દાખલ કરવામાં આવી હતી. જેમાં 40 શખ્સોની ધરપકડ કરી લેવામાં આવી છે. જામનગર શહેર અને જિલ્લામાં લોક ડાઉન ના સમયગાળા દરમિયાન વિના કારણે ઘરની બહાર નીકળેલા કુલ 2542 લોકોના વાહનો લોક ડાઉન-1નાં સમયગાળા દરમિયાન ડિટેઈન કરી લેવામાં આવ્યા હતા. જોકે તે વાહનોને મુક્ત કરવામાં આવી રહ્યા છે. અને 260 વાહનોના દંડ સ્વીકારી મુક્ત કરી દેવાયા છે. જ્યારે બાકીના વાહનોને મુક્ત કરવાની કાર્યવાહી ચાલી રહી છે.

સાથોસાથ લોક ડાઉન ની મર્યાદા મા વધારો થયો છે અને લોકો ડાઉન-2 ચાલુ થઈ ગયું છે જેની પણ કડક અમલવારી થાય તેના ભાગરૂપે શહેર જિલ્લામાં સજજડ પોલીસ પહેરો ગોઠવવામાં આવ્યો છે. અને લોક ડાઉન નો ભંગ કરનારાઓ સામે અવિરત કાર્યવાહી ચાલુ રાખવામાં આવી છે.