અમેરિકન કોર્ટનો ટ્રમ્પને ટેરિફ જાળવી રાખવા માટે આદેશ

ટ્રમ્પને ટેરિફના મોરચે રાહત મળી

અપીલ્સ કોર્ટે ટ્રમ્પ સામે ફેડરલ ટ્રેડ કોર્ટના દિવસ અગાઉના આદેશને ફગાવી દીધો

કોર્ટ ઓફ અપીલ્સે ફોર ધ ફેડરલ સર્કિટે ટ્રમ્પ તંત્રને ઇમરજન્સી લો હેઠળ ટેરિફ માટે મંજૂરી હતી. તેઓની દલીલ હતી કે આ ટેરિફ અટકાવવાથી દેશની રાષ્ટ્રીય સુરક્ષાની સ્થિતિ પર વિપરીત અસર થઈ શકે છે. આમ અપીલ્સ કોર્ટે ફેડરલ ટ્રેડ કોર્ટે આ અગાઉ જારી કરેલા આદેશને કામચલાઉ ધોરણે અટકાવી દીધો હતો. 

ટ્રમ્પ હાલમાં તેમના લિબરેશન ડે ટેરિફને લઈને કેટલાય કોર્ટ કેસોનો સામનો કરી રહ્યા છે.આ કેસોમાં દલીલ કરવામાં આવી છે કે ટ્રમ્પે તેમની સત્તાને અતિક્રમી જઈને નિર્ણયો લીધા છે અને તેના લીધે દેશની વેપાર નીતિ હવે તેમની વિવેકમુનસફી મુજબ ચાલે છે.

યુએસ કોર્ટ ઓફ ઇન્ટરનેશનલ ટ્રેડમાં ત્રણ જજની પેનલે બુધવારે જણાવ્યું હતું કે ટ્રમ્પ તેમની સત્તાને અતિક્રમી ગયા છે અને તેમણે ૧૯૭૭ના ઇન્ટરનેશનલ ઇમરજન્સી ઇકોનોમિક પાવર્સ એક્ટનો ઉપયોગ કરીને નેશનલ ઇમરજન્સી જાહેર કરી છે અને આયાતી દેશો પર ટેરિફ લાદ્યા છે. આ ચુકાદો ટ્રમ્પ માટે મોટા ફટકા સમાન હતા, જેની ખામીભરેલી વેપાર નીતિએ વિશ્વના નાણાકીય બજારોને હચમચાવી નાખ્યા છે, કારોબારોને અનિશ્ચિતતાના વાતાવરણમાં ધકેલી દીધા છે અને ઊંચા ભાવની સંભાવના છેઅને આર્થિક વૃદ્ધિ મંદ પડશે તેમ માનવામાં આવે છે.