Russia vs Ukarain War Updates : યુક્રેનના પ્રમુખ ઝેલેન્સ્કીએ એક મહત્વપૂર્ણ નિવેદનમાં જણાવ્યું હતું કે તેમની સરકાર આંતરરાષ્ટ્રીય પ્રતિબંધો પર ઝડપથી કામ કરી રહી છે. તેમણે કહ્યું કે યુક્રેનના વિદેશ મંત્રીએ તેમને વિવિધ મુદ્દાઓ પર એક અહેવાલ સુપરત કર્યો હતો, જેમાં સૌથી પહેલા પ્રતિબંધો પર ચર્ચા કરવામાં આવી હતી. ઝેલેન્સકીએ રશિયાને પણ ઓફર કરી છે કે આપણે આવતા અઠવાડિયે યુદ્ધવિરામ પર વધુ વાટાઘાટો કરી શકીએ છીએ.
યુરોપિયન યુનિયન વિશે શું કહ્યું?
યુક્રેનના પ્રમુખ ઝેલેન્સકીએ કહ્યું કે, "અમે પ્રતિબંધોના સંકલન વિશે વાત કરી હતી. યુરોપિયન યુનિયન દ્વારા તૈયાર કરાયેલા નવા પ્રતિબંધ પેકેજને તે યુરોપિયન દેશો દ્વારા પણ સમર્થન મળ્યું તે ખૂબ જ મહત્વપૂર્ણ છે જે હજુ સુધી યુરોપિયન યુનિયનના સભ્ય નથી. અમે આ મહત્વપૂર્ણ પ્રક્રિયા ચાલુ રાખીશું. આ ફક્ત યુરોપિયન પ્રતિબંધો વિશે જ નથી, પરંતુ અમારા ન્યાયિક ક્ષેત્રમાં લાગુ કરાયેલા અન્ય પ્રતિબંધો વિશે પણ છે. મેં સૂચના આપી છે કે આ કાર્ય શક્ય તેટલી વહેલી તકે પૂર્ણ કરવામાં આવે."
નવા શસ્ત્ર કરારની વાત પણ શામેલ!
આ ઉપરાંત ઝેલેન્સ્કીએ અમેરિકા સાથેના સંરક્ષણ કરારોનો પણ ઉલ્લેખ કર્યો. તેમણે કહ્યું, "અમે અમેરિકા સાથે પણ કામ કરી રહ્યા છીએ. પ્રમુખ ટ્રમ્પ સાથે થયેલા કરારો શક્ય તેટલી વહેલી તકે અમલમાં મૂકવામાં આવવા જોઇએ. યુક્રેન મહત્તમ ઉત્પાદકતા માટે પ્રતિબદ્ધ છે. તેમાં હવાઈ સંરક્ષણ અને નવો શસ્ત્ર કરાર શામેલ છે."
