અમેરિકન પ્રમુખે ટેરિફનો વિરોધ કરનારાને મૂર્ખ ગણાવ્યા
ડિવિડન્ડનું પેમેન્ટ ક્યારે અને કેવી રીતે થશે તેની સ્પષ્ટતા નહીં અમેરિકનોને અનેક સ્વરૂપે રાહત અપાઇ શકે : નાણાં પ્રધાન
ટ્રમ્પે પોતાની પોસ્ટમાં જણાવ્યું હતું કે ટેરિફને કારણે અમેરિકાને અબજો ડોલર્સની રેવન્યુ મળી રહી છે, જેનો ઉપયોગ દેશના દેવાને ચૂકવવામાં કરી શકાય તેમ છે. હાલ અમેરિકાનું દેવું ૩૭ ટ્રિલિયન ડોલર્સ થઇ ગયું છે.
ટ્રમ્પે ટેરિફની વિરૂદ્ધ હોય તેમને મૂર્ખ ગણાવી ઉમેર્યું હતું કે આપણે હવે સૌથી વધુ ધનિક છીએ. દુનિયામાં આપણે સૌથી વધારે આદર ધરાવીએ છીએ. દેશમાં કોઇ ફુગાવો નથી અને શેર માર્કેટના ભાવો વિક્રમસર્જક સ્તરે છે.
ટ્રમ્પની જાહેરાતને પગલે ઘણાંને સવાલો થયા હતા કે આ ડિવિડન્ડ કોને મળશે અને તે કેવી રીતે ચૂકવવામાં આવશે. હવે યુએસના નાણાં પ્રધાન સ્કોટ બેસેન્ટે આ મામલે ફોડ પાડતાં જણાવ્યું છે કે આ ડિવિડન્ડ આ વર્ષની શરૂઆતમાં પસાર કરવામાં આવેલાં ઇકોનોમિક પોલિસી બિલ હેઠળ કરરાહત પેટે આપવામાં આવી શકે છે. કરરાહત ઘણી રીતે અપાઇ શકે છે. પ્રમુખ કરવેરા ઘટાડવા માંગે છે, શક્ય છે કે ટિપ્સ કે ઓવરટાઇમ પર લેવામાં આવતો કર રદ થઇ જાય. સોશ્યલ સિક્યુરિટી પરથી પણ કર નાબૂદ થઇ શકે છે. ઓટો લોન કપાય તેની પરથી પર કર બાદ થઇ શકે છે. આમ, ૨૦૦૦ ડોલર્સનું ડિવિડન્ડ અનેક પ્રકારની કરરાહત પેટે મળે તે શક્ય છે તેમ તેમણે એબીસીના ટીવી કાર્યક્રમમાં રવિવારે જણાવ્યું હતું.
