આ છે દુનિયાની સૌથી મોંઘી માછલી, એક માછલીની કિંમત 2 કરોડથી પણ વધુ

જાપાનના ટોક્યોમાં જાન્યુઆરી 2023માં એક માછલીની હરાજી થઈ હતી. આ માછલીની કિંમત 2 લાખ 73 હજાર યુએસ ડોલર લગાવવામાં આવી હતી. જે ભારતીય રૂપિયામાં લગભગ 2 કરોડ 23 લાખ 42 હજાર રૂપિયાથી વધુ થશે. આ 212 કિલોગ્રામની માછલીનું નામ છે બ્લુ ફિન ટુના એવું કહેવાય છે કે બ્લુ ફિન ટુના માછલી 40 વર્ષથી વધુ જીવી શકે છે અને તેનું વજન 200 કિલોગ્રામથી પણ વધુ હોઈ શકે છે.

બ્લુ ફિન ટુનામાં પોષક તત્વોની ભરમાર

આ માછલીના ઊંચા ભાવ હોવાના ઘણા કારણો છે. સૌ પ્રથમ તો આ માછલી ખૂબ જ ઓછા પ્રમાણમાં જોવા મળે છે. આ માછલીમાં જે પોષક તત્વો રહેલા હોય છે તે અન્ય માછલીઓ કરતા ઘણા વધારે હોય છે. આ માછલીમાં વિટામિન A, વિટામિન D, વિટામિન B6 અને વિટામિન B12 હોય છે. આ સિવાય તેમાં વિટામિન A અને વિટામિન Bનું ઉચ્ચ સ્તર જોવા મળે છે, જે શરીર માટે ખૂબ જ ઉપયોગી છે. વિટામિન Bની સાથે અન્ય પોષક તત્વો જેમ કે પ્રોટીન, ઓમેગા-3 ફેટી એસિડ, સેલેનિયમ, મેગ્નેશિયમ અને કેલ્શિયમ પણ ટુના માછલીમાં જોવા મળે છે.

વિશ્વની સૌથી મોટી માછલી છે બ્લુ ફિન ટુના

બ્લુ ફિન ટુના વિશ્વની સૌથી મોટી માછલીઓમાંની એક છે. તે પ્રશાંત મહાસાગર અને ઉત્તરીય ધ્રુવીય સમુદ્રમાં જોવા મળે છે. સૌથી મોટી બ્લુ ફિન ટુના માછલી પ્રશાંત મહાસાગરમાં જોવા મળે છે. આ માછલી મોટાભાગે દરિયાની નીચે ઉંડાણમાં જોવા મળે છે. આ ઉપરાંત વિશ્વની અન્ય મોટી ટુના માછલીઓમાંની એક યલોફિન ટુના છે જે સમુદ્રના વિવિધ વિસ્તારોમાં જોવા મળે છે અને તેનું વજન લગભગ 70 કિલોગ્રામ હોય છે.