પેરિસના જગવિખ્યાત લૂવ્ર મ્યુઝિયમમાં ચોરી! સ્કૂટર પર આવેલા ચોર કિંમતી આભૂષણ લઈને ફરાર

Paris Louvre Museum : ફ્રાન્સના પાટનગર પેરિસના વિશ્વ પ્રસિદ્ધ લૂવ્ર મ્યુઝિયમમાં ચોરીના કારણે હડકંપ મચ્યો છે. મ્યુઝિયમ એક દિવસ માટે બંધ કરી દેવાયું છે, અહીં મોનાલિસા સહિત વિશ્વની અનેક પ્રતિષ્ઠિત ઐતિહાસિક કલાકૃતિઓ રાખવામાં આવી છે. જોકે હજુ સુધી મ્યુઝિયમ તરફથી કોઈ નિવેદન આપવામાં આવ્યું નથી. મીડિયા અહેવાલોમાં દાવો કરાઇ રહ્યો છે કે નેપોલિયનના કલેક્શનમાંથી ઘરેણાં ગાયબ થયા છે. જોકે, મ્યુઝિયમે અચાનક બંધ થવાના 'અસાધારણ કારણો' ટાંક્યા હતા.

આ પણ વાંચો : ટ્રમ્પને ઝટકો: ગાઝા પર ફરી ઈઝરાયલનો હુમલો, હમાસનો આરોપ-47 વખત સીઝફાયરનો ભંગ કર્યો

'મ્યુઝિયમ ખુલતા પહેલા લૂંટ થઈ હતી'

ફ્રાન્સના સાંસ્કૃતિક મંત્રી રચિદા દાતીએ આજે ​​સવારે સૌથી પહેલા મ્યુઝિયમમાં થયેલી ચોરીની માહિતી આપી હતી. તેમણે એક ઓનલાઈન પોસ્ટમાં લખ્યું છે કે, 'આજે સવારે લૂવર મ્યુઝિયમમાં ખુલતા પહેલા લૂંટ થઈ હતી. કોઈ ઈજા થઈ નથી. હું મ્યુઝિયમ સ્ટાફ અને પોલીસ સાથે ઘટનાસ્થળે છું.'

લૂંટારુઓ મ્યુઝિયમમાંથી ઘરેણાં લઈને ભાગી ગયા હતા

મીડિયા રિપોર્ટે પોલીસ સૂત્રોને ટાંકીને જણાવ્યું હતું કે, લૂંટારા એક સ્કૂટર પર આવ્યા હતા અને નાના ચેઈનસોથી સજ્જ હતા. અહેવાલમાં કહેવામાં આવ્યું છે કે લૂંટારુઓ મ્યુઝિયમમાંથી ઘરેણાં લઈને ભાગી ગયા હતા. તેમજ ચોરાયેલી વસ્તુઓની કિંમત હજુ પણ આકારણી કરવામાં આવી રહી છે.

આ પણ વાંચો : અનોખા લગ્ન! 74 વર્ષના વરરાજા અને 24ની દુલ્હન, છોકરીને દહેજમાં 1.8 કરોડ પણ મળ્યાં

ગૃહમંત્રી લોરેન્ટ નુનેઝે જણાવ્યું હતું કે, સંગ્રહાલયમાંથી 'અમૂલ્ય ઘરેણા ' ચોરાયા છે અને તે ચોરી પણ માત્ર સાત મિનિટ ચાલી હતી.