ઓસ્માન હાદીના અંતિમ સંસ્કાર સંપન્ન હાદી સમર્થકોનું યુનુસને આખરીનામું

બાંગ્લાદેશ સરકાર જેવું કશું નથી કટ્ટરવાદીઓ રાજ કરે છે

હાદીના હત્યારાઓને 24 કલાકમાં પકડી પાડો નહીં તો, દેશવ્યાપી વ્યાપક પ્રદર્શન થશે : આ સાથે દેશની લઘુમતિઓમાં ફફડાટ વ્યાપો છે

બાંગ્લાદેશ કે પાકિસ્તાનમાં પણ પ્રદર્શનોનો સીધો અર્થ હિંસાચાર જ થાય છે, અને તે હિંસાચાર ત્યાં વસતી લઘુમતિઓ હિન્દુ, શિખ, ઇસાઇ, પારસી, યહૂદીઓ ઉપર જ વળે છે. તેમાંએ સૌથી વધુ નિશાન તો હિન્દુઓને જ બનાવાય છે જે કટ્ટરવાદીઓની 'પરંપરા' છે.

સહજ છે કે તેથી દેશમાં હજી પણ વસી રહેલા હિન્દુઓ સૌથી વધુ ચિંતાગ્રસ્ત છે કારણ કે પોલીસ કે અન્ય સલામતી દળો તેમને કેટલું રક્ષણ આપશે ?

ટૂંકમાં બાંગ્લાદેશ અત્યારે પરિસ્થિતિમાંથી પસાર થઈ રહ્યું છે કે, ત્યાં સરકાર જેવું પણ કશું રહ્યું હોય તેમ દેખાતું નથી. ત્યાં કટ્ટરપંથીઓ તેમની મનમાની ચલાવે છે. માત્ર ભારત જ નહીં વિશ્વનાં તમામ દેશો બાંગ્લાદેશની સરકાર શું કરે છે, તેની ઉપર બાઝ નજર રાખી રહી છે. એવું લાગે છે કે, બાંગ્લાદેશમાં ઈસ્લામિક કટ્ટરપંથીઓનું જ રાજ ચાલે છે. મોહમ્મદ યુનુસ સરકાર નપુંસક બની ગઈ છે. લઘુમતિઓ દેશ છોડી રહી છે. મોટા યંત્ર-સંકુલો (કારખાનાં) મોટેભાગે હીન્દુઓનાં જ છે જે એક પછી એક બંધ થતાં જાય છે, આથી બેકારી સતત વધતી જાય છે, ત્યાં પરિસ્થિતિ સુધરે તેમ જ નથી.