અમેરિકાના મિશિગનમાં મોટી ઘટના : વૉલમાર્ટમાં 11 લોકો પર ચપ્પા વડે હુમલો, આરોપીની ધરપકડ

USA Wallmart news : અમેરિકાથી ફરી એક મોટા સમાચાર સામે આવ્યા છે. અહીં ટ્રેવર્સ સિટી નજીક આવેલા એક વૉલમાર્ટમાં હુમલાખોરે ચપ્પા વડે હુમલો કરીને લગભગ 11 જેટલાં લોકોને નિશાન બનાવતા હડકંપ મચી ગયો હતો. પોલીસે જણાવ્યું કે આ હુમલામાં 11 લોકો ગંભીર રીતે ઈજાગ્રસ્ત થયા છે. તમામની હાલ ટ્રેવર્સ સિટીમાં આવેલી મુનસુન મેડિકલ સેન્ટર હોસ્પિટલમાં સારવાર ચાલી રહી છે. 

🚨BREAKING: At least 11 people were stabbed in a horrifying attack inside a Walmart in Traverse City, Michigan.

The knife-wielding attacker was ultimately subdued by two brave shoppers before authorities arrived and took him into custody.

The identity of the suspect has not yet… pic.twitter.com/KxGlRmpzMS

— I Meme Therefore I Am 🇺🇸 (@ImMeme0) July 27, 2025

લોકોને પોલીસ દ્વારા વૉલમાર્ટથી દૂર રહેવા અપીલ 

આ મામલે તાત્કાલિક કાર્યવાહી કરતાં પોલીસે હુમલાખોરની ધરપકડ કરી લીધી હતી. હજુ આ મામલે વધારે વિગતો જાહેર કરવામાં આવી નથી પરંતુ પોલીસ વતી સ્થાનિકોને ઘટનાસ્થળની દૂર રહેવા અપીલ કરવામાં આવી છે કેમ કે સ્થિતિ હજુ નાજુક છે.  મિશિગન સ્ટેટ પોલીસે પણ ઘટનાની પુષ્ટી કરતાં સોશિયલ મીડિયા પર પોસ્ટ કરી હતી અને તપાસ ચાલુ હોવાની જાણકારી આપી હતી.