Donald Trump Collect Revenue from Foreign Sources: ડોનાલ્ડ ટ્રમ્પ 20 જાન્યુઆરીએ અમેરિકાના રાષ્ટ્રપતિ તરીકે શપથ લેશે. પરંતુ શપથ પહેલા પણ ટ્રમ્પ એકદમ એક્ટીવ દેખાય છે. તેણે મેક્સિકો અને કેનેડા જેવા દેશો પર ટેરિફ લાદવાની પણ વાત કરી છે. તે ટેરિફ વધારવાને લઈને ખૂબ જ ગંભીર છે, જેના કારણે તેણે આ અંગે મોટી જાહેરાત કરી છે.
ટ્રમ્પ નવો 'વસૂલી' વિભાગ બનાવશે
મીડિયા રિપોર્ટ્સ અનુસાર ટ્રમ્પે 20 જાન્યુઆરીએ એક્સટર્નલ રેવન્યુ સર્વિસ નામનો નવો સરકારી વિભાગ શરૂ કરશે. આ વિભાગનું કામ સમયસર વિદેશમાંથી થતી આવક અને લાદવામાં આવનાર ટેરિફની વસૂલાત કરવાનું રહેશે. આ વિભાગ હેઠળ, કસ્ટમ્સ, ટેરિફ અને વિદેશી સ્ત્રોતોમાંથી અન્ય કમાણી એકત્રિત કરવામાં આવશે.
ભારત-કેનેડા-ચીન જેવા દેશો પર દબાણ લાવવા આ પગલું ભરશે
એવું માનવામાં આવે છે કે ભારત, કેનેડા, મેક્સિકો અને ચીન જેવા દેશો પર દબાણ લાવવા માટે આ વિભાગની રચના કરવામાં આવી રહી છે જેથી કરીને વેપાર અસંતુલન, સ્થળાંતર અને ડ્રગ સ્મગલિંગ જેવા મુદ્દાઓ ઉકેલી શકાય. આ સિવાય ટ્રમ્પ ચીન સહિત અન્ય ઘણા દેશોના ઉત્પાદનો પર પણ ટેક્સ વધારવા માગે છે. એવું પણ કહેવામાં આવી રહ્યું છે કે ટ્રમ્પ ટૂંક સમયમાં અન્ય દેશોમાંથી આયાત થતા સામાન પર ટેરિફ વધારવાની જાહેરાત કરી શકે છે.
આ પણ વાંચો: દક્ષિણ કોરિયાના પ્રમુખની ધરપકડ, સમર્થકોના હોબાળા વચ્ચે પોલીસે સર્જ્યા ફિલ્મ જેવા સીન
જૂની નીતિઓ અને સમિતિઓને નાબૂદ એક કમિટી બનાવી
જણાવી દઈએ કે આ પહેલા ટ્રમ્પે ઈલોન મસ્ક અને ભારતીય મૂળના વિવેક રામાસ્વામીને ડિપાર્ટમેન્ટ ઓફ ગવર્નમેન્ટ એફિશિયન્સી (DOGE)ની જવાબદારી આપી હતી. આ વિભાગનું કામ ઘણી જૂની નીતિઓ અને સમિતિઓને નાબૂદ કરવાનું અને સમગ્ર સંઘીય માળખામાં જરૂરી ફેરફારો કરવાનું રહેશે.
