ચીન પોતાના સૈનિકોના ડીએનએ સાથે રમી રહ્યું છે

- સમગ્ર વિશ્વમાં જીન એડિટિંગની ચિંતા વધી ગઈ છે

- ચીન સૈનિકો પર જીન એડિટિંગ ટેક્નોલોજીનો ઉપયોગ કરી રહ્યું છે 

- આ ટેક્નિકની મદદથી ડીએનએ બદલી શકાય છે 

નવી દિલ્હી,તા.17 ડિસેમ્બર 2022,શનિવાર

આજકાલ જીન એડિટિંગની ખૂબ ચર્ચા થઈ રહી છે. જો કે, હાલમાં લોકોમાં તેના વિશે ખૂબ જ ઓછી માહિતી છે. કહેવાય છે કે આ ટેકનીકની મદદથી કુદરતે બનાવેલી રચનાઓમાં ફેરફાર કરી શકાય છે. આ ટેક્નિકની મદદથી ડીએનએ બદલી શકાય છે. તેનો ઉપયોગ ઘણા પ્રાણીઓ પર થઈ રહ્યો છે અને નવી જાતિ તૈયાર કરવામાં આવી રહી છે. પ્રાણીઓ ઉપરાંત તેનો ઉપયોગ વૃક્ષો અને છોડ પર પણ થઈ રહ્યો છે.

હવે સમગ્ર વિશ્વમાં જીન એડિટિંગની ચિંતા વધી ગઈ છે. ઘણા દેશોએ એકબીજા પર આરોપ લગાવ્યો છે કે તેઓ તેમના સૈનિકો પર જીન એડિટિંગ ટેકનિકનો ઉપયોગ કરી રહ્યા છે. રિપોર્ટ્સ અનુસાર, યુએસ ઈન્ટેલિજન્સ ડિપાર્ટમેન્ટે દાવો કર્યો હતો કે ચીન તેના સૈનિકોનું જીન એડિટિંગ કરી રહ્યું છે. બ્રિટને પણ આ જ વાત કહી. બ્રિટને કહ્યું કે ચીન સુપર પાવર બનવા માટે સૈનિકોના ડીએનએ બદલી રહ્યું છે.

રિપોર્ટમાં મોટો દાવો

રિપોર્ટ્સમાં દાવો કરવામાં આવી રહ્યો છે કે ચીન હવે ગુપ્તચર રીતે જીન એડિટિંગ પર કામ કરી રહ્યું છે. તે દુનિયાને ડરાવવાનો પ્રયાસ કરી રહ્યો છે. વોલ સ્ટ્રીટ જર્નલના એક રિપોર્ટમાં તત્કાલિન ઈન્ટેલિજન્સ ચીફ જોન રેટક્લિફે જણાવ્યું હતું કે ચીન સૌથી વધુ જીન એડિટિંગ ટેક્નોલોજીનો ઉપયોગ કરી રહ્યું છે. આમાં, ડીએનએના કેટલાક ભાગો બદલાય છે.

રિપોર્ટમાં દાવો કરવામાં આવી રહ્યો છે કે ચીન તેના સૈનિકો પર જીન એડિટિંગનો ઉપયોગ કરી રહ્યું છે. આ કારણે તેમના ડીએનએ બદલવામાં આવી રહ્યા છે. ડીએનએમાં બદલાવને કારણે તેમના શરીરમાં પણ બદલાવ આવી રહ્યા છે. જો કે, સૈનિકો પાસે તેમના શરીરમાં આવા ફેરફારો કેમ થઈ રહ્યા છે તેની કોઈ માહિતી નથી. એવું માનવામાં આવે છે કે આ ટેક્નોલોજીથી માણસ હાફ રોબોટ બની શકે છે. તેની લાગણીઓનો અંત આવશે. એવું કહેવામાં આવી રહ્યું છે કે ચીન સુપર સૈનિકો બનાવી રહ્યું છે, જેથી તે લડાઈમાં તેનો ઉપયોગ કરી શકે.