બાબા વેંગાની ભવિષ્યવાણી: બે વર્ષ વધુ ચાલશે રશિયા-યુક્રેન યુદ્ધ

- ભવિષ્યવાણી સાંભળતા રોઇ પડી રશિયન સૈનિકની પત્ની

દુનિયાના પ્રસિધ્ધ ભવિષ્યવક્તાઓમાં જેમનું નામ સામેલ છે તેવા બલ્ગેરિયાનાં ભવિષ્યવક્તા બાબા વેંગાએ ઘણી ભવિષ્યવાણી કરી છે. તેમની અત્યારસુધીની ભવિષ્યવાણી સાચી પડી છે. બાબા વેંગાએ સોવિયત સંઘનાં વિઘટન, અમેરિકામાં આતંકી સંગઠન 9-11 નાં હમલા સહિત ઘણી ભવિષ્યવાણી કરી હતી, જે સાચી પડી હતી. તેમની ભવિષ્યવાણીઓથી દુનિયામાં ડરનો માહોલ પણ ઊભો થઇ જાય છે.  તેમણે પહેલાથી જ એવી ભવિષ્યવાણી કરી હતી  કે  વર્ષ 2022માં  રશિયા – યુક્રેન વચ્ચે યુધ્ધની સ્થિતિ સર્જાશે.  હવે તેમણે જણાવ્યું છે કે આ રશિયા- યુક્રેન યુધ્ધ હજી 2 વર્ષ ચાલશે.

મીડિયા રિપોર્ટ અનુસાર બંને દેશ રશિયા અને યુક્રેનનાં સૈનિકો બાબા વેંગાની આ ભવિષ્યવાણી સાંભણીને ચિંતત થઇ ગયા છે. એવું એટલા માટે કહેવામાં આવે છે કે રશિયાનાં સૈનિકો અને તેમની પત્ની વચ્ચે થતી ફોનની વાતચીત યુક્રેનનાં રક્ષામંત્રાલયે સોશિયલ મીડિયા પર અપલોડ કરી છે. બાબા વેંગાની ભવિષ્યવાણીની વાત કરતા રશિયાનાં સૈનિકોની પત્નીઓ તેમના પતિને ચિંતિત થઇને કહેતી હતી કે હજુ કેટલો સમય યુધ્ધ ચાલશે, ઘણા સમયથી ઘરે નથી આવ્યા હવે ક્યારે ઘરે આવશો, હજી કેટલા સમય દૂર રહેવુ પડશે, તમારા વગર અહીં એકલું ગમતું નથી, તમે જલ્દી આવો તો સારું, ત્યારે રશિયન સૈનિક તેમની પત્નીને સમજાવી રહ્યાં હતા કે તમારે હિમ્મત રાખવાની જરૂર છે. અત્યારે કંઇ જ કહી ન શકાય કે ઘરે આવવાનું ક્યારે થશે. હમણાં તો ઘરે આવવું શક્ય જ નથી. હમણાં તરત તો ઘરે આવવું અશક્ય છે.

યુક્રેનનાં રક્ષા મંત્રાલય દ્વારા જાહેર કરવામાં આવેલ આ ફોનની વાતચીત દરમિયાન રશિયાનાં સૈનિકની પત્નીને રોતી સાંભળવામાં આવે છે. ઓડિયોમાં રશિયન સૈનિક કહે છે કે બાબા વેંગાની ભવિષ્યવાણી પ્રમાણે તો આ યુધ્ધ 2024 સુધી ચાલશે. આ સાંભળતાની સાથે જ તેની પત્ની ચિંતાતૂર થઇને રડી પડી હતી.