જાપાનમાં 23 વર્ષીય યુવક અને 83 વર્ષીય મહિલાની અનોખી પ્રેમ કહાની

- પ્રેમમાં વય નહીં, લાગણી મહત્ત્વની છે તેની સાબિતી 

- યુવકને પોતાના જ વર્ગમાં ભણતી ક્લાસમેટની દાદી સાથે પ્રેમ થયો, પરિવારની સંમતિથી કપલ સાથે રહે છે

- બંનેને પ્રથમ નજરે જ પ્રેમ થયો, પણ વયને કારણે ખચકાતા હતા ઃ આખરે વેલેન્ટાઈન દિવસે ડિઝનીલેન્ડમાં પ્રપોઝ કર્યું

આઈકો અગાઉ એક સફળ બાગાયતી હતી અને એક વિશાળ વનસ્પતિ ઉદ્યાનની માલિક હતી. બે વાર લગ્ન કરનાર આઈકોને એક પુત્ર, એક પુત્રી અને પાંચ પૌત્ર-પૌત્રીઓ છે. છૂટાછેડા પછી, તે તેના પુત્રના પરિવાર સાથે રહેતી હતી. તે હંમેશા ફિટનેસ અને સ્ટાઇલિશ જીવનશૈલી પર ધ્યાન કેન્દ્રિત કરે છે જેના કારણે તે તેની ઉંમર કરતા નાની લાગે છે.

બીજી બાજુ, કોફુ તાજેતરમાં યુનિવસટીમાંથી સ્નાતક થયો છે અને એક સર્જનાત્મક ડિઝાઇન કંપનીમાં ઈન્ટર્ન છે. ખાસ વાત એ છે કે તે આઈકોની પૌત્રીનો બેચમેટ છે. તેની પૌત્રીના ઘરે જતી વખતે, કોફુને પહેલી નજરમાં જ આઈકો સાથે પ્રેમ થઈ ગયો. 

આઈકોને પણ એવું જ લાગ્યું. તેણે કોફુની પ્રશંસા કરતા કહ્યું કે તે એક સારો વ્યક્તિ છે અને તે ખૂબ જ નમ્ર છે. હું આટલા ખુશખુશાલ વ્યક્તિ પહેલાં ક્યારેય મળી નથી. હું તેના તરફ આકર્ષાઈ ગઈ હતી.

જોકે, ઉંમરના તફાવતને કારણે શરૂઆતમાં બંને પોતાની લાગણીઓ વ્યક્ત કરવામાં ખચકાટ અનુભવતા હતા. પરંતુ, બંનેએ આઈકોની પૌત્રી સાથે ડિઝનીલેન્ડની સફર દરમ્યાન પોતાની લાગણીઓ વ્યક્ત કરી. આઈકોએ કહ્યું, તે ક્ષણે, હું સંપૂર્ણપણે મંત્રમુગ્ધ થઈ ગઈ હતી. 

આજે, આ દંપતી ખુલ્લેઆમ તેમના સંબંધો જીવી રહ્યું છે અને સમાજને બતાવી રહ્યું છે કે પ્રેમ ઉંમરની સીમાઓ કરતા ઘણો મોટો છે. જોકે તેઓએ જાહેર કર્યું નથી કે તેઓ કોના ઘરમાં રહે છે.