Image Source: Freepik

અમદાવાદ, તા. 18 ઓક્ટોબર 2023 બુધવાર

વિટામિન ડી એક જરૂરી પોષક તત્વ છે જે શરીરને ઘણી રીતે લાભ પહોંચાડે છે. આ હાડકાઓને મજબૂત રાખવામાં મદદ કરે છે, રોગ પ્રતિકારક શક્તિને વધારે છે અને અમુક પ્રકારે કેન્સર અને અન્ય બીમારીઓના જોખમને ઘટાડે છે. વિટામિન ડીનો સૌથા સારો સ્ત્રોત સૂર્યની રોશની છે, પરંતુ આ અમુક ખાદ્ય પદાર્થોમાં પણ હોય છે જેમ કે ડેરી પ્રોડક્ટ.

સૂર્યથી વિટામિન ડી પ્રાપ્ત કરવાનો સૌથી સારો સમય સવારે અને સાંજનો હોય છે, જ્યારે સૂર્યની કિરણો કમજોર હોય છે. બપોરના સમયે સૂર્યની કિરણો ખૂબ તેજ હોય છે અને સ્કિનને નુકસાન પહોંચાડી શકે છે. તેથી આ સમયે તડકામાં બેસવાનું ટાળવુ.

વિટામિન ડી ના ફાયદા

હાડકાઓને મજબૂત રાખે છે

વિટામિન ડી કેલ્શિયમ અને ફોસ્ફરસના શોષણમાં મદદ કરે છે. જે હાડકાઓ માટે જરૂરી પોષક તત્વ છે. વિટામિન ડી ની ઉણપથી ઓસ્ટિયોપોરોસિસ જેવી હાડકાની બીમારીઓનું જોખમ વધી જાય છે.

રોગ પ્રતિકારક શક્તિને વધારે છે

વિટામિન ડી રોગ પ્રતિકારક શક્તિને મજબૂત કરે છે અને શરીરને સંક્રમણ સામે લડવામાં મદદ કરે છે. વિટામિન ડીની ઉણપથી શરદી, ખાંસી અને ફ્લૂ જેવી બીમારીઓનું જોખમ વધી જાય છે.

અમુક પ્રકારના કેન્સરના જોખમને ઘટાડે છે

વિટામિન ડી કેન્સર કોશિકાઓના વિકાસ અને પ્રસારને રોકવામાં મદદ કરી શકે છે. અમુક રિસર્ચ અનુસાર વિટામિન ડીની ઉણપથી કોલન કેન્સર, સ્તન કેન્સર અને પ્રોસ્ટેટ કેન્સરનું જોખમ વધી જાય છે. 

હૃદયરોગના જોખમને ઘટાડે છે

વિટામિન ડી લોહીના દબાણને ઘટાડીને અને કોલેસ્ટ્રોલના સ્તરને સારુ બનાવવામાં મદદ કરી શકે છે. આ હૃદયરોગના જોખમને ઘટાડવામાં મદદ કરી શકે છે.

ડાયાબિટીસના જોખમને ઘટાડે છે

વિટામિન ડી ઈન્સ્યુલિનના ઉત્પાદન અને કાર્યને વધારી શકે છે. આ ડાયાબિટીસના જોખમને ઘટાડવામાં મદદ કરી શકે છે.

અસહાયતા અને હતાશાના લક્ષણોને ઘટાડે છે

વિટામિન ડી મગજમાં સેરોટોનિનના સ્તરને વધારી શકે છે, જે એક મૂડ-નિયંત્રણ ન્યૂરોટ્રાન્સમીટર છે. આ અસહાયતા અને હતાશાના લક્ષણોને ઘટાડવામાં મદદ કરી શકે છે.

સૂર્યમાંથી વિટામિન ડી મેળવવા માટે દરરોજ લગભગ 15-20 મિનિટ માટે તડકામાં બેસો. તમે પોતાના ચહેરા, હાથને તડકામાં બેસવા માટે ઉઘાડા રાખી શકો છો. તમારે તડકામાં બેસતી વખતે સનસ્ક્રીન લગાવવુ જોઈએ જેથી તમારી ત્વચાને નુકસાન ન પહોંચે. 

જો તમે તડકામાં ન બેસી શકતા હોવ કે પૂરતા પ્રમાણમાં તડકો લઈ રહ્યા નથી તો તમે વિટામિન ડી નો ડોઝ લઈ શકો છો, જોકે, વિટામિન ડી નો ડોઝ લીધા પહેલા ડોક્ટર સાથે વાત કરવી જરૂરી છે.