Benefits Of Fennel Water : દરરોજ સવારે વરિયાળીનું પાણી પીવાથી હેલ્ધી અને મજબૂત થશે પાચનતંત્ર

 નવી દિલ્હી, તા. 22 ફેબ્રુઆરી 2021, સોમવાર 

વરિયાળીના બીજ સૌથી વધારે ઉપયોગમાં લેવામાં આવે છે. વરિયાળીનો ઉપયોગ આપણા રસોડામાં ઘણી બધી તૈયારીઓમાં કરવામાં આવે છે. વરિયાળી આપણા ભોજનમાં ઘણો સ્વાદ અને સુગંધ જોડે છે પરંતુ કેટલાય લોકોને ખબર નથી હોતી કે આ વરિયાળીના કેટલાક આશ્ચર્યજનક લાભ પણ છે. વરિયાળીના બીજ તમારા સમગ્ર સ્વાસ્થ્યને લાભ પહોંચાડી શકે છે. વરિયાળી પોટેશિયમ, મેન્ગેનીઝ, ઝિન્ક, આયર્ન અને કૉપર જેવા ખનિજોથી ભરપૂર હોય છે. વરિયાળીને પોતાના ડેલી ડાયેટનો ભાગ બનાવવો જોઇએ. તેની સૌથી સારી રીત છે વરિયાળીના પાણીનું સેવન. વરિયાળીનું પાણી પીવાના કમાલના ફાયદા છે. તેનો ઉપયોગ વિભિન્ન બીમારીઓની સારવાર માટે કરવામાં આવે છે. વરિયાળી અસ્થમા, ડાયાબિટીસ, પેટની ગેસ અને પાચન સંબંધિત સમસ્યાઓથી છૂટકારો મેળવવામાં મદદરૂપ છે. 

વરિયાળી મોટાપા માટે એક અસરકારક પ્રાકૃતિક ઉપચાર છે. વરિયાળીના બીજનું પાણી શરીરના પ્રાકૃતિક રીતે ચરબીનો નાશ કરવાની એક શાનદાર રીત માનવામાં આવે છે. ફેનલ સીડ્સ ફાઇબરનો એક સમૃદ્ધ સ્ત્રોત છે, તેમાં વિભિન્ન પોષક તત્ત્વ અને એન્ટી-ઑક્સિડેન્ટ હોય છે. વરિયાળીના બીજનું પાણી પીવાથી તૃપ્તિમાં સુધારો કરવો, ચયાપચયની પ્રક્રિયામાં મદદ મળી શકે છે. વરિયાળીના બીજ શરીરમાં પોષક તત્ત્વોના શોષણમાં સુધારો કરીને જમા ચરબીનો નાશ કરવામાં મદદ કરી શકે છે. 

વરિયાળીનું પાણી કેવી રીતે બનાવશો? 

એક ગ્લાસ પાણીમાં 1 ટીસ્પૂન વરિયાળીના બીજ નાંખો. તેને આખી રાત પલાળી રાખો. આ પાણીને સવારે ખાલી પેટ પહેલા પી લો. 

વરિયાળીનું પાણી પીવાના લાજવાબ ફાયદા

1. પાચન સમસ્યાઓને દૂર રાખે છે

જો તમને પાચન સંબંધિત કેટલીય સમસ્યાઓનો સામનો કરવો પડે છે તો દરરોજ વરિયાળીના બીજનું પાણી પીવાનું શરૂ કરી દો. ગેસ્ટ્રિક એન્જાઇમોના ઉત્પાદનને પ્રોત્સાહન આપીને, વરિયાળીના બીજ તમામ પાચન સંબંધિત સમસ્યાઓને દૂર રાખે છે. આ પાચનક્રિયાને હેલ્ધી બનાવી રાખે છે. આ કબજિયાત, અપચો અને સોજાને પણ ઠીક કરી શકે છે. 

2. બ્લડ પ્રેશરને હેલ્ધી બનાવી રાખે છે

પોટેશિયમની સાથે પેક, વરિયાળીના બીજ તમારા શરીર માટે મહાન છે. તે તમારા શરીરના બ્લડ પ્રેશરને નિયંત્રિત કરવામાં મદદ કરી શકે છે. આ તમારા શરીરની હૃદયની ગતિને નિયંત્રિત કરવામાં પણ મદદ કરે છે. જે લોકો હાઇ બ્લડ પ્રેશરથી પરેશાન થાય છે તેમને દરરોજ ફેનલ વોટરનું સેવન કરવુ જોઇએ. 

3. આંખોની રોશની માટે ઉપયોગી છે

શું તમે જાણો છો કે વરિયાળીનું પાણી તમારી આંખોની રોશની વધારવામાં મદદ કરી શકે છે. વરિયાળીના બીજમાં વિટામિન એ હોય છે જે તમારી આંખો માટે ખૂબ જ સારું હોય છે. દરરોજ વરિયાળીનું પાણી પીવાથી તમારી આંખોનું સ્વાસ્થ્ય સારું બનાવી શકાય છે. 

4. લોહીને સાફ કરે છે

વરિયાળીના બીજમાં રહેલ આવશ્યક તેલ શરીરમાંથી હાનિકારક ઝેરીયુક્ત પદાર્થોને બહાર કાઢવામાં મદદ કરે છે અને આ તમારા લોહીને સાફ કરવામાં મદદ કરે છે. વરિયાળીની ચા પીવાથી તમારા શરીરને વધારે પોષક તત્ત્વો શોષી લેવામાં મદદ મળી શકે છે. 

5. માસિક ધર્મના દુખાવાને ઓછું કરવામાં મદદરૂપ થાય છે

વરિયાળી બીજનું પાણી અથવા ચા પીવી તમને પીરિયડ્સ દરમિયાન થતાં દુખાવાને ઘટાડવામાં મદદ કરી શકે છે. આ તમને રજોનિવૃત્તિના લક્ષણોથી છૂટકારો મેળવવામાં પણ મદદ કરે છે. ઘણી બધી મહિલાઓ અનિયમિત પીરિયડ્સની સમસ્યાનો સામનો કરે છે અને વરિયાળીનું બીજ અનિયમિત પીરિયડ સાઇકલથી પણ છૂટકારો મેળવવામાં મદદરૂપ થાય છે. 

6. કેન્સરથી શરીરની રક્ષા કરે છે

વરિયાળીના બીજ વાસ્તવમાં તમારા શરીરને વિભિન્ન પ્રકારના કેન્સર જેવા પેટ, ત્વચા અથવા સ્તન કેન્સરથી બચાવવામાં મદદ કરી શકે છે. તેઓ પોતાના શરીરમાંથી મુક્ત કણોને દૂર કરે છે જે કેન્સરનું મુખ્ય કારણ બને છે. એટલા માટે તમારે દરરોજ વરિયાળીના બીજનું પાણી પીવું જોઇએ. 

7. વજન ઘટાડવામાં મદદ કરી શકે છે

વરિયાળીના બીજ તમારા ચયાપચયને વધારવામાં મદદ કરે છે. આ આગળ વજન ઘટાડવામાં મદદ કરે છે. વરિયાળીની ચા અથવા પાણી પીવાથી તમને લાંબા સમય સુધી ભૂખ લાગતી નથી અને તમે અસ્વસ્થ ભોજન ખાવાથી બચી શકો છો. 

8. ખીલને દૂર રાખે છે

વરિયાળી તમારી ત્વચા માટે પણ ઉત્તમ છે. વરિયાળીના બીજમાં એન્ટી-બેક્ટીરિયલ અને એન્ટી-ઑક્સીડેન્ટ ગુણ હોય છે જે ખીલ સામે લડવામાં તમારી મદદ કરે છે. વરિયાળીના બીજનું પાણી પીવાથી પણ તમારા ચહેરા પર એક સ્વસ્થ ચમક લાવવામાં મદદ મળશે.