વરતેજમાં આવેલા પાણી ભરેલા હોજમાં ડૂબી જવાથી યુવાનનું મોત

- વરતેજ પોલીસે અકસ્માત મોતની નોંધ કરી તપાસ શરૂ કરી

- ફાયર બ્રિગેડ સ્ટાફે ભારે શોધખોળ બાદ મૃતદેહને બહાર કાઢયો

આ બનાવની જાણવા મળતી વિગત મુજબ વરતેજ ખાતે રહેતા દિલીપભાઈ લક્ષ્મણભાઈ પરમાર ( ઉ.વ ૪૨ )  આજે બપોરના સમયે વરતેજ પોલીસ મથક નજીક આવેલા કાંટા પાસે ઊભા હતા.તેવામાં અકસ્માતે બાજુમાં બનાવેલા પાણી ભરેલા ૧૨ ફૂટ ઊંડા હોજમાં ખાબક્યા હતા.આ બનાવની જાણ ફાયર બ્રિગેડને થતા ફાયર બ્રિગેડ સ્ટાફ સ્થળ પર પહોચ્યો હતો.અને દિલીપભાઈનો મૃતદેહ ભારે શોધખોળ બાદ બહાર કાઢી વરતેજ પોલીસને સુપ્રત કરતા વરતેજ પોલીસે મૃતદેહની પીએમ અર્થે ખસેડી અકસ્માત મોતની નોંધ કરી આગળની તપાસ હાથ ધરી છે.