વડોદરા, તા. 05
વડોદરા શહેરી વિકાસ સત્તા મંડળ (વુડા) દ્વારા બાંધકામ પરવાનગી ના મુદ્દે કાયદાનું ખોટું અર્થઘટન કરી પરવાનગી આપવામાં વિલંબ કરતા હોવાથી આર્કિટેક્ટ એન્ડ એન્જિનિયર દ્વારા આવેદનપત્ર આપી રજૂઆત કરવામાં આવી હતી.
વુડા દ્વારા સામાન્ય મુદ્દાને કારણે બાંધકામ પરવાનગી આપવામાં વિલંબ કરવામાં આવે છે ડિસ્ટ્રિક્ટ લેન્ડ રેકોર્ડ માપણી કરે છે અને તેમની માપણીમાં વિસંગતતા છે તેવું બહાનું કાઢી પરવાનગી આપવામાં આવતી નથી તો કેટલીક જગ્યાએ પાણીનું વહેણ જતું હોય તો તેને વરસાદી કાંસ પસાર થાય છે તેમ બહાનું કાઢીને પરવાનગી આપતા નથી
એ જ પ્રમાણે કોઈ જમીનમાં અગાઉ ઇંટો નો ભઠ્ઠો હોય કે પછી કોઈ મોટો ખાડો હોય તો તેને તલાવડી કે તળાવ છે તેવું બહાનું કાઢીને બાંધકામ પરવાનગી આપતા નથી.
આ ઉપરાંત પ્લોટ વેલીડેશન ટીપી સ્કીમના ઇન્ક્રિમેન્ટલ ચાર્જીસ પ્રિન્ટ ચેક સર્ટિફિકેટ અને occupation સર્ટીફીકેટ વિકાસ પરવાનગી renewal, ઓનલાઇન ડેવલપમેન્ટ પરમીશન સિસ્ટમ વિગેરે મુદ્દે ઝડપી કાર્યવાહી કરવામાં આવતી નથી.
આ અંગે આર્કિટેક્ટ એન્જિનિયર એસોસિએશનના પ્રમુખ કિરીટભાઈ પટેલ સહિત સભ્યોએ વુડાના અધિકારી આવેદનપત્ર સુપ્રત કર્યું હતું.
આવેદનપત્રમાં જણાવ્યું છે કે પ્લોટ વેલીડેશન માટે જીડીસીઆરના નિયમ મુજબ અમલ કરવો જોઈએ તેમજ અરજદાર દ્વારા રજૂ કરેલા રેકોર્ડની માન્ય રાખી કામગીરી કરવી જોઈએ.
ટી.પી. ઇન્ક્રિમેન્ટલ ચાર્જ ની વસુલાત ટાઉન પ્લાનિંગ એક્ટ મુજબ કરવી જોઈએ ફાઇનલ ટીપી સ્કીમમાં પી ઇન્ક્રિમેન્ટલની રકમ 10 હપ્તે વગર વ્યાજે વસૂલ કરવાનો નિયમ છે તેનો અમલ કરવો જરૂરી છે.
પરવાનગી આપવાના મુદ્દે સમયમર્યાદા નક્કી કરવી જોઈએ તેમજ રેવન્યુ કોડની વિસંગતતા ઊભી કરી આપેલા ચાલુ વિકાસ પરવાનગી રદ કરવી જોઈએ નહીં. પરવાનગી નો સમાવેશ થતો હોય તો તેની જાણ પરવાનગી પત્ર અને નકશા સહ નગર નિયોજકને કરવી જરૂરી છે.
પ્લિંથચેક અને ઓક્યુપેશન સર્ટિફિકેટ ની પણ સમય મર્યાદા નક્કી કરવી જરૂરી છે એટલા માટે કે વિલંબ થવાને કારણે રેરામાં બિલ્ડરને દંડ ભરવો પડે છે. પરવાનગી સમયે વસૂલ કરેલી લાગતો માં તફાવત લેવાની પ્રથા બંધ કરવી જોઈએ.
રાજ્ય સરકારે ઓનલાઇન ડેવલપમેન્ટ પરમીશન સિસ્ટમ શરૂ કરેલ છે તે મુજબ જીડીસીઆરમાં વિસંગતતા જણાય તો ઓફલાઈન નકશા રજૂ કરીને મંજૂરી આપવી અને નિયમોની વિસંગતતા તથા ઓનલાઇન ડેવલપમેન્ટ પરમીશન સિસ્ટમમાં અરજી કરી હોય તેને વહેલી તકે પૂર્ણ કરવી જોઈએ.
