વડોદરામાં વૃંદાવન ટાઉનશીપના લિફ્ટમાં ફસાયેલી મહિલાનું ફાયર બ્રિગેડ દ્વારા રેસ્ક્યુ, 20 મિનિટ ફસાઈ

image : social media 

Vadodara : વડોદરાના હરણી રોડ વિસ્તારમાં આજે વહેલી સવારે લિફ્ટમાં ફસાયેલી એક મહિલાને બહાર કાઢવા માટે ફાયર બ્રિગેડની મદદ લેવામાં આવી હતી.

હરણી રોડ પર નાગેશ્વર મંદિરની સામે વૃંદાવન ટાઉનશીપના ઇ-ટાવરમાં આજે વહેલી સવારે લિફ્ટ ખોટ ખાઈ જતા અંદર એક મહિલા ફસાઈ હતી. મહિલાએ બચાવ માટે મદદ માંગતા લોકો ભેગા થઈ ગયા હતા. પરંતુ લિફ્ટમાંથી બહાર નીકળી શકાય તેમ ન હતું. 

આખરે ફાયર બ્રિગેડની મદદ લેવામાં આવતા પાણીગેટની ટીમ દ્વારા રંજનબેન નામની મહિલાનું રેસ્ક્યુ કરવામાં આવ્યું હતું. આમ, લિફ્ટને કારણે મહિલા 20 મિનિટ સુધી ફસાઈ હતી.