નવી વરસાદી ગટરના લીધે વાઘોડિયા જંકશન કાલથી 10 દિવસ બંધ : વૈકલ્પિક રસ્તાનો ઉપયોગ કરવા સૂચના

Vadodara : વડોદરા શહેરના ગોલ્ડન જંકશન, આજવા જંકશન, કપુરાઈ જંકશન, તરસાલી જંકશન નવી વરસાદી ગટર (બોક્સ કલ્વર્ટર નાખવા અંગે સમયાંતરે રોડ રસ્તા દસ દિવસ સુધી બંધ રહેશે જેના વિકલ્પમાં અન્ય રોડ રસ્તા નો ઉપયોગ કરવો. જેમાં પ્રાથમિક તબક્કે વાઘોડિયા જંકશન વિવિધ વિસ્તારમાં નવી વરસાદી ગટર નાખવા અંગે કામગીરી અંગે એવી મશીનરી, મજૂરો કારીગરોની હેરફેર કરવાની હોવાથી શહેરના વિવિધ જંકશનો પર પ્રાથમિક તબક્કે વાઘોડિયા જંકશન પર આવતીકાલતા 20થી સતત દસ દિવસ સુધી તમામ પ્રકારના વાહન વ્યવહાર અને અવરજવર માટે કામ પૂરું થતાં સુધી રસ્તો બંધ રહેશે. જેના વિકલ્પ રૂપે અન્ય રસ્તાઓનો ઉપયોગ કરવાનો રહેશે. આ કામગીરી પૂરી થયા બાદ બાકીના જંકશન ઉપર તબક્કાવાર કામગીરી હાથ ધરાશે તેમ ડ્રેનેજ વરસાદી ગટર પ્રોજેક્ટ શાખા દ્વારા જણાવ્યું છે.