હવાનું પ્રદૂષણ અટકાવવા વડોદરા મ્યુનિ.કમિશનર અરુણ બાબુના પ્રયાસો : 127 કન્સ્ટ્રક્શન સાઇટ પર તપાસ કરી દંડનિય કાર્યવાહી

Vadodara : વડોદરા શહેરમાં આવવાનું પ્રદૂષણ વધતું અટકાવવા માટે વડોદરા કોર્પોરેશન અને ગુજરાત પોલ્યુશન કંટ્રોલ બોર્ડ કાર્યવાહી કરી રહી છે ત્યારે ખાસ કરીને વિશ્વામિત્રી નદીમાં ઠલવાતું ગંદુ પાણી તેમજ કાટમાળ ઠલવાતો અટકાવવા અંગે પણ ચર્ચા થઈ હતી. સાથે સાથે બિલ્ડરોને બાંધકામની સાઈટ પર હવાનું પ્રદૂષણ થાય નહીં તે જોવા તાકીદ કરી હતી.

 મ્યુ. કોર્પોરેશનની વડી કચેરી ખાતે આજે યોજાયેલી સમીક્ષા બેઠકમાં વિશ્વામિત્રી સમિતિ, ક્રેડાઈ, એમ.એસ.યુ. , એન.જી.ટી., વી.એમ.સી. તથા જી.પી.સી.બીના અધિકારીઓ ઉપસ્થિત રહ્યા હતા. આ અંગે મ્યુ. કમિશનર અરુણ બાબુએ બેઠકમાં જણાવ્યું હતુ કે, એ.ક્યુ.આઈ. (એર ક્વોલિટી ઇન્ડેક્સ ) સંદર્ભે કાયદાકીય કડક પગલાં ભરવા જીપીસીબી તથા વીએમસી સંકલન કરી કામ કરી રહ્યું છે. 127 સાઇટની વિઝીટ કરી જરૂરી સ્થળે કાર્યવાહી થઈ રહી છે. કન્સ્ટ્રક્શન સાઈટ ખાતે ગ્રીન નેટ ફરજિયાત લગાવવા જણાવ્યું છે. એર ક્વોલિટીના આંકડા જાહેર સ્થળોએ દર્શાવાશે. એ.ક્યુ.આઈ. ઇમ્પ્રુઅલ માટે સ્મોક ગનનો ઉપયોગ કરાશે. વિશ્વામિત્રી નદીમાં કન્સ્ટ્રક્શન વેસ્ટ અને મલીન જળ જતું રોકવા પ્રયાસો થશે. આ ઉપરાંત શહેરના તમામ તળાવોના ડેવલોપમેન્ટ તથા પોલ્યુશન અંગે સર્વે હાથ કરાશે. પોલ્યુશન નિયંત્રણ કરી શહેરને હરિયાળુ બનાવીશું.