વેજલપુર શ્રીનંદનગર-૧માં દારૂની મહેફિલમાં દરોડોઃ ૧૦ની ધરપકડ

અમદાવાદ,સોમવાર

શહેરના વેજલપુરમાં આવેલા શ્રીનંદનગર -૧ એપાર્ટમેન્ટમાં ભાડેથી રહેતા યુવક અને યુવતીઓ દ્વારા દારૂ પીને ધમાલ કરવામાં આવતી હોવાથી સ્થાનિક લોકોએ મેસેજ કરતા વેજલપુર પોલીસે દરોડો પાડયો હતો.  આ અંગે ૧૦ યુવક યુવતીઓને ઝડપી લેવામાં આવ્યા હતા. ત્યારે સૌથી ચોંકાવનારી બાબત સામે આવી હતી કે શ્રીનંદનગર-૪ એપાર્ટમેન્ટમાં રહેતા લધુમતી કોમના યુવકો પણ  ઝડપાયા હતા. સમગ્ર મામલે વેજલપુર પોલીસે ગુનો નોંધીને તપાસ શરૂ કરી હતી.

વેજલપુરમાં આવેલા શ્રીનંદનગર-૧ એપાર્ટેન્ટના એફ બ્લોકમાં કેટલાંક ભાડેથી રહેતા લોકો દારૂ પીને ધમાલ કરતા હોવાની ફરિયાદ પોલીસ કંટ્રોલ રૂમમાં કરવામાં આવી હતી. જેના આધારે વેજલપુર પોલીસે  દરોડો પાડીને પોલીસે તપાસ કરતા ૧૧ યુવક યુવતીઓ દારૂ પીધેલી હાલતમાં મળી આવ્યા હતા. પોલીસે પુછપરછ કરતા જાણવા મળ્યું હતું આ મકાનમાં ભાડેથી રહેતી કુંધાલી તોવીસીનો જન્મદિવસ હોવાથી તેણે પાર્ટી આપી હતી.

પોલીસે આ અંગે મોહમંદ ઝુબેર આલમ, મોહંમદ સઝાદ અબ્બાસી, સાહિલ અલી , મોંહમદ યુનુસ સંબાગ (તમામ રહે. શ્રીનંદનગર-૪ એપાર્ટમેન્ટ, વેજલપુર), અનુપમ સિન્હા, પીવોહી ચોફી, સેન્ટી ચાંગ અને નાચી ચાંગની ધરપકડ કરી હતી. પોલીસે સ્થળ પરથી દારૂની બોટલો મળી આવી હતી. સૌથી ચોંકાવનારી બાબત એ હતી કે શ્રીનંદનગર-૪માં રહેતા ચાર લધુમતી કોમના યુવકો પણ ઝડપાયા હતા. જેથી સ્થાનિક વિસ્તારમાં મકાન ભાડે આપનાર વિરૂદ્ધ પણ કાર્યવાહી કરાશે.