વડોદરાની રત્નાકર બેંકના ખાતાનો ઓનલાઈન ઠગાઈમાં ઉપયોગ, 2 મહિનામાં 7.58 કરોડના ટ્રાન્જેક્શન

સાયબર ફ્રોડ કરતા ઓનલાઇન ઠગો સામે પોલીસ દ્વારા ઉપાડવામાં આવેલી ઝુંબેશ દરમિયાન વડોદરાની વધુ એક બેંકના ખાતાધારક સામે કાર્યવાહી હાથ ધરાઈ છે. રત્નાકર બેંક ના ઉપરોક્ત એકાઉન્ટનો ઉપયોગ ઠગાઈમાં થયો હોવાની ચોકાવનારી વિગતો સાયબર ક્રાઇમના નેશનલ પોર્ટલ પર આવી હોવાથી વડોદરા સાયબર સેલ દ્વારા ગુનો નોંધવામાં આવ્યો છે. 

ઓનલાઇન ઠગાઈ માટે સ્થાનિક બેંકોના બોગસ ખાતા નો બેફામ ઉપયોગ 

ઓનલાઇન ઠગાઈ કરતા વિદેશના ઠગો દ્વારા વિદેશની બેન્કોમાં ઠગાઈના રૂપિયા સીધા જમા થઈ શકે તેવી શક્યતા ઓછી હોવાથી તેમના દ્વારા ભારતની રાષ્ટ્રીયકૃત તેમજ ખાનગી બેંકો માં બોગસ ખાતા ખોલાવી ઉપયોગ કરવામાં આવે છે. ખાતાધારક જાણે અજાણે કમીશનની લાલચે આ કામ કરતા હોય છે. 

ઠગાઈના બનાવો રોકવા બેંકો ને એલર્ટ કરાઈ, ખાતાધારકો સામે પણ સીધી કાર્યવાહી 

ઓનલાઇન ઠગાઈના બનાવવામાં લોકો લાખો રૂપિયા ગુમાવતા હોવાથી પોલીસ દ્વારા બેન્ક અધિકારીઓ સાથે મીટીંગ રાખીને બોગસ ખાતા તેમજ શંકાસ્પદ ટ્રાન્ઝેક્સનો ઉપર નજર રાખવા તાકીદ કરવામાં આવી છે. આ ઉપરાંત પેઢીઓના નામે ખુલતા ખાતાઓની પણ પૂરતી ચકાસણી કરવામાં આવે તો અનેક બોગસ ખાતાઓ પકડાય તેવી પણ શક્યતા દર્શાવવામાં આવી છે. પોલીસ દ્વારા ઓનલાઈન ઠગાઈ માટે ઉપયોગમાં લેવાતા એકાઉન્ટ હોલ્ડર સામે હવે ગુના નોધવાની સીધી કાર્યવાહી કરવામાં આવી રહી છે. 

વડોદરામાં રત્નાકર બેંક ના ખાતાધારક તેમજ બેંક એકાઉન્ટ ઓપરેટ કરતા પરેશ સામે દ્વારા

નેશનલ સાયબર પોર્ટલ દ્વારા સગાઈમાં ઉપયોગમાં લેવાયેલા બેન્ક એકાઉન્ટ ની વિગતો પોલીસને આપવામાં આવતી હોવાથી વડોદરા શહેર પોલીસ દ્વારા છેલ્લા ચાર દિવસમાં ખાતાધારકો સામે પાંચ પોલીસ ફરિયાદ કરવામાં આવી છે. સાયબર સેલ દ્વારા ગઈ મોડી રાત્રે રત્નાકર બેંક લિમિટેડ ના એક્સેક્રેક્રુટ સોલ્યુશન પ્રા.લિ. ના એકાઉન્ટ ભારત નીલે ભુપેન્દ્ર કુમાર બ્રહ્મભટ્ટ તેમજ તેના ખાતાનો ઉપયોગ કરનાર પરેશ સામે વધુ નોંધવામાં આવ્યો છે. 

રત્નાકર બેંકના એકાઉન્ટમાં 2 મહિનામાં 7.58 કરોડ ના ટ્રાન્ઝક્શન, જુદા જુદા રાજ્યોમાં 129 ફરીયાદ 

રત્નાકર બેંકના ઉપરોક્ત એકાઉન્ટ ની વિગતો નેશનલ સાઇબર પોર્ટલ દ્વારા આપવામાં આવી હતી. જેમાં બે મહિનાના સમયગાળામાં 7.58 કરોડના ટ્રાન્જેક્શન થયા હોવાની વિગતો જણાવવામાં આવી છે. આ બેન્ક એકાઉન્ટ નો ઉપયોગ 129 જેટલા સાયબર ફ્રોડ ના કેસમાં થયો હોવાની પણ ચોકાવનારી વિગતો આપવામાં આવી છે. જેને આધારે વડોદરા સાયબર સેલ દ્વારા એકાઉન્ટ ધારક અને સાગરીતો સામે ગુનો નોંધવામાં આવ્યો છે.