વડોદરા એસટી વિભાગે સુરતને ૧૨૦ બસો ફાળવી

દિવાળી નિમિત્તે વડોદરા એસટી વિભાગ દ્વારા સુરત એસટી વિભાગને એક્સ્ટ્રા ૧૨૦ બસોની ફાળવણી કરી છે.

દિવાળી પર્વ નજીક આવતા સુરતથી ઉત્તર ગુજરાત, પંચમહાલ અને સૌરાષ્ટ્ર તરફ જનાર મુસાફરોની સંખ્યા નોંધપાત્ર રીતે વધી રહી છે. ખાસ કરીને સુરતના રત ઉદ્યોગ સાથે જોડાયેલા હજારો શ્રમિકો પોતાના વતન તરફ રવાના થવાના હોવાથી એસટી વિભાગે મુસાફરોની વધતી અવરજવરને ધ્યાને લઈને વિશેષ આયોજન હાથ ધર્યુછે. વડોદરા એસટી વિભાગ દ્વારા સુરત એસટી વિભાગને વધારાની બસોની ફાળવણી કરવામાં આવી છે. વડોદરા, છોટાઉદેપુર, બોડેલી, ડભોઇ, કરજણ, પાદરા અને વાઘોડિયા ડેપોથી કુલ ૧૨૦ વધારાની બસો સુરત રૂટ માટે ફાળવવામાં આવી છે. આ ઉપરાંત તા. ૧૪ ના રોજ વડોદરામાં મુખ્યમંત્રી તથા ભાજપ પ્રદેશ અધ્યક્ષના કાર્યક્રમને ધ્યાનમાં રાખીને પણ અલગ અલગ ડેપોથી ૫૭ બસો ફાળવી છે.