Vadodara Winter Season : વડોદરા શહેરમાં ફરી એકવાર ઠંડીનું જોર વધ્યું છે. એક જ દિવસમાં પારો એક ડિગ્રી ઘટતા મોડી રાત્રે અને વહેલી સવારે નાગરિકોએ ગુલાબી ઠંડીનો અહેસાસ કર્યો છે.
વડોદરા શહેરમાં ચાલુ સપ્તાહે તાપમાનમાં નોંધપાત્ર ઘટાડો જોવા મળ્યો હતો. જેમાં લઘુત્તમ તાપમાનનો પારો એક વખત 14 ડીગ્રી સેલ્સિયસ સુધી ગયો હતો. તે પછી તાપમાનમાં પારામાં નજીવો વધારો થયો હતો. ગઈકાલે લઘુત્તમ તાપમાનનો પારો 16 ડિગ્રી હતો તે આજે ઘટીને 15 ડિગ્રી થયો છે. જેથી એક જ દિવસમાં તાપમાનનો પારો એક ડિગ્રી જેટલો ઘટી ગયો છે. જેના કારણે ફરી એકવાર નાગરિકોને ઠંડીનો અહેસાસ થઈ રહ્યો છે. તો બીજી તરફ દેશના ઉત્તરીય ભાગોમાં હિમવર્ષા થતા આગામી દિવસમાં તાપમાનનો પારો હજુ વધુ ઘટે એવું અનુમાન આંકવામાં આવી રહ્યું છે.
