વડોદરામાં ઠંડીનો પારો 1.6 ડિગ્રી ઘટીને 12.6 ડિગ્રી છતાં ઠંડીમાં સામાન્ય વધારો

Vadodara : આજે તાપમાનનો પારો ગઈકાલ સોમવાર કરતા 1.6 ડિગ્રી જેટલો ઘટી જતા 12.6 ડિગ્રી તાપમાન નોંધાયું હતું. પરિણામે ઠંડીમાં સામાન્ય વધારો થયો છે. ગઈકાલે આકાશમાં વાદળા જોવા મળ્યા હતા. જેથી તાપમાનનો પારો 14 ડિગ્રીથી વધીને 14.2 ડિગ્રીએ પહોંચી ગયો હતો. પરંતુ આજે આકાશી વાદળા હટવાના કારણે ઠંડીમાં સામાન્ય વધારો થયો છે. 

ઉલ્લેખનીય છે કે હિમાલય તરફ વેસ્ટર્ન ડિસ્ટર્બન્સ થી બરફ વર્ષા થતા શહેરમાં વાદળછાયું વાતાવરણ ગઈકાલે સોમવારે હતું. જ્યારે હવામાન ખાતાના જણાવ્યા મુજબ સોમવારે મહત્તમ તાપમાનનો પારો 30.6 ડિગ્રી અને લઘુત્તમ તાપમાનનો પારો 14.2 ડિગ્રી નોંધાયો હતો જેમાં આજે 1.6 ડિગ્રી જેટલા તાપમાનનો ઘટાડો નોંધાતા સામાન્ય ઠંડી જણાઈ હતી પરંતુ આગામી દિવસોમાં લઘુતમ તાપમાનનો પારો હજી પણ ઘટે તો નવાઈ નહીં.