વડોદરા કોર્પોરેશનને કેપિટલ ઇન્વેસ્ટમેન્ટ હેઠળ વિશેષ ગ્રાન્ટ મળશે : યુટીલીટી મેપિંગનો રિપોર્ટ રજૂ કરવા રાજ્ય સરકારની તાકીદ

Vadodara Corporation : રાજ્યો માટે કેપિટલ ઇન્વેસ્ટમેન્ટ (એસએએસસીઆઈ) માટે વિશેષ સહાયક હેઠળ ગ્રાન્ટ મેળવવા માટે મ્યુનિસિપલ કોર્પોરેશન ક્ષેત્રના સુધારાને લગતી જરૂરી કાર્યવાહી કરવા અર્બન ડેવલોપમેન્ટ અને અર્બન હાઉસિંગ ડિપાર્ટમેન્ટ દ્વારા વડોદરા કોર્પોરેશનને જણાવવામાં આવ્યું છે. રાજ્યો માટે કેપિટલ ઇન્વેસ્ટમેન્ટ (એસએએસસીઆઈ) માટે ખાસ સહાયની સ્કીમને માર્ગદર્શિકા જાહેર કરવામાં આવી હતી. નાણાં મંત્રાલય, ફાયનાન્સ વિભાગે રાજ્યો માટે કેપિટલ ઇન્વેસ્ટમેન્ટ (એસએએસસીઆઈ)ને વિશેષ સહાયતા અંગેની યોજના માર્ગદર્શિકા પ્રકાશિત કરી છે.

હાઉસિંગ એન્ડ અર્બન અફેર્સ (એમઓએચયુએ) મંત્રાલયે રાજ્યો માટે વિશેષ સહાયતા (એસએએસસીઆઈ) 2025-26 માટે પૂરક માર્ગદર્શિકા પ્રકાશિત કરી છે. જેમાં યોજનાને બે પેટા ભાગો વહેંચવામાં આવ્યું છે. જે પૈકી એક ભાગ માટે રૂ.13,000 કરોડ અંતર્ગત શાસન, નાણાં અને શહેરી આયોજન સુધારાને લગતા સુધારા માટે ફાળવવામાં આવ્યા છે. જ્યારે બીજા ભાગ માટે રૂ.5,000 કરોડ ડુઇંગ બિઝનેસ (ઇઓડીબી) માટે ફાળવવામાં આવ્યા છે. યોજનાના માર્ગદર્શિકા મુજબ, રાજ્યોને ત્રણ જૂથો ગ્રુપ એ, બી અને સી સ્ટેટ ગુજરાત ઓફ ઓલ્સ કેટેગરી હેઠળ વહેંચવામાં આવ્યા છે. યોજના એસએએસસીઆઈ હેઠળ અનુદાન મેળવવા માટે સુધારા બાદ વડોદરા મ્યુનિસિપલ કોર્પોરેશન (વીએમસી)નું પાલન કરવું પડશે. જે પૈકી વડોદરા કોર્પોરેશનને પબ્લિક હેલ્થ, મિકેનિકલ, સિવિલ અને ઇલેક્ટ્રીક વિભાગમાં એન્જિનિયરની ભરતી કરવાનું જણાવવામાં આવ્યું છે. જે પૈકી 50% જેટલી ભરતી કોન્ટ્રાક્ટ આધારિત કરી શકાશે. એન્વાયરમેન્ટલ એન્જિનિયર અને હાઇડ્રોલોજીસ્ટની ભરતી કરવાની રહેશે.

પાણી, સુવેઝ અને સ્ટોર્મ ડ્રેનેજ નેટવર્ક માટે જીઆઇએસ બેસ્ટ યુટીલીટી મેપિંગ કરાવવામાં આવે. ઉપરની ત્રણેય કામગીરી સપ્ટેમ્બર 2025 સુધી પૂર્ણ કરી દેવાની રહેશે. મ્યુનિસિપલ કોર્પોરેશનની માલિકી અને તમામ સરકારી જગ્યાનું મેપિંગ ડિજિટલ ઇન્વેન્ટરી દ્વારા કરવામાં આવવું જોઈએ. ઓગસ્ટના અંત સુધી ડિજિટલ ટ્વીન મોડેલિંગ ઓપરેટ કરવાનું શરૂ કરવાનું છે. ઇન્ટરગ્રેટેડ પ્રોપર્ટી ટેક્સ પોર્ટલ યુનિક આઇડી સાથે લોન્ચ કરવાનું રહેશે. જે અંગે સ્ટેટ નોડલ ઓફિસરના માર્ગદર્શન હેઠળ જરૂરી પગલાં અને કાર્યવાહી કરવાની રહેશે. પાલિકાએ આવકના સ્ત્રોત વધારવા કાર્યવાહી હાથ ધરવી પડશે. જેમાં અંદાજે 10% જેટલી આવક રેવન્યુમાંથી અને અન્ય આવક પ્રોપર્ટી ટેક્સમાંથી વધારવામાં આવે. જે અંગેનો વિગતવાર અહેવાલ રજૂ કરવા જણાવવામાં આવ્યું છે.

કોર્પોરેશનને શહેરના ઐતિહાસિક સ્થળોને પુન: જીવિત કરવાના પ્રયાસ કરવાના રહેશે. જે હેઠળ સુરસાગર તળાવની આસપાસના પ્રોજેક્ટની વિગતો રાજ્ય સરકારને ઉપલબ્ધ કરાવવાની રહેશે. થીમ આધારિત ગ્રીનફિલ્ડ શહેરો અંતર્ગત એક્શન પ્લાન તૈયાર કરીને એ અંગેની વિગતો રજૂ કરવાની રહેશે. નેબરહુડ સુધારા અંતર્ગત એક્શન પ્લાન તૈયાર કરવા જણાવવામાં આવ્યું છે. સ્પોન્જ શહેરો અંતર્ગત તેનો અહેવાલ તૈયાર કરીને રાજ્ય સરકારને રજૂ કરવા જણાવવામાં આવ્યું છે. શહેર ગ્રીન્સ અને શહેરી જંગલો અંતર્ગત સુધારણાના સમયગાળા દરમિયાન વિકસિત થવા માટે પાંચથી વધુ જમીનોનો સમાવેશ ન હોય તેવા ગ્રીન સ્પેસ શહેરસ્તરના શહેરી ઉદ્યાનોની 50 એકર સહ વિગતો રજૂ કરવા જણાવવામાં આવ્યું છે. હાલના કુવાઓનું કાયાકલ્પ કરવાના હેતુસર વોટર બોડી કાયાકલ્પ પ્રોજેક્ટ હેઠળ કાર્યવાહી કરવા જણાવવામાં આવ્યું છે.

સંરક્ષણ કાયાકલ્પ વોટરબોડીઝ અને શહેરી વિભાગ અંતર્ગત જીઓ ટેગ દ્વારા સ્થાનો અને પાણીના ગુણવત્તાના પરીક્ષણ પહેલા અને પછી અને આસપાસના વિસ્તારોના તાપમાન પર થયેલ અસર પહેલા અને પછીનું વિવરણ રજૂ કરવા જણાવવામાં આવ્યું છે.