જામનગર નજીક દિગ્વિજય પ્લોટ વિસ્તારમાં જૂની અદાવતમાં મામા-ભાણેજ પર હુમલો : બે સામે ફરિયાદ

Jamnagar Crime : જામનગરમાં શંકર ટેકરી વિસ્તારમાં રહેતા અને ડ્રાઇવિંગ કામ કરતા રોહિત ચંદુભાઈ લીંબડ નામના 43 વર્ષના યુવાને પોતાના ઉપર તેમજ પોતાના ભાણેજ ઉપર છરી અને ધોકા વડે હુમલો કરી ઇજા પહોંચાડવા અંગે સુભાષપરા વિસ્તારમાં રહેતા હાર્દિક ડાંગર અને નીતિનભાઈ નામના બે શખ્સ સામે પોલીસ ફરિયાદ નોંધાવી છે.

 જે ફરિયાદમાં જાહેર કરાયા અનુસાર ફરિયાદી રોહિતભાઈના ભાણેજને અગાઉ આરોપી હાર્દિક સાથે 15 દિવસ પહેલા ઝઘડો થયો હતો, જેનું મન દુઃખ રાખીને ગઈકાલે બંને આરોપીઓ દ્વારા ફરીથી આ હુમલો કરાયો હોવાનું પોલીસમાં જણાવાયું છે. જે મામલે પોલીસ વધુ તપાસ ચલાવે છે.