શહેર, ગ્રામ્ય અને ઉત્તરસંડામાંથી ચોરેલા ચાર બાઈક જપ્ત કરી કાર્યવાહી
નડિયાદ: નડિયાદ શહેર અને ઉત્તરસંડામાંથી ચોરાયેલા ૪ એક્ટિવા સાથે બે આરોપીને નડિયાદ શહેર પોલીસે ઝડપી પાડયા હતા.
નડિયાદ કપડવંજ રોડ ઉપરથી એક્ટિવા લઈને આવતા કરણ સતિષભાઈ ઠાકોર (રહે. લઘુભાઈના છીંડા, ઠાકોર વાસ, નડિયાદ) તેમજ હિતેશભાઈ ઉર્ફે માહિર દિલીપભાઈ મારવાડી (રહે. સરૈયા પોલ, નવા રાવપુરા, નડિયાદ)ને પકડયા હતા. પૂછપરછમાં બંનેએ ૧૦ દિવસમાં નડિયાદના લાખી મસ્જિદ પાસેથી, રાવપુરામાંથી, પ્રમુખ વિહાર સોસાયટી કપડવંજ રોડ ઉપરથી તથા ઉત્તરસંડા આઈટીઆઈ પાસેથી મળીને ૪ એક્ટીવાની ચોરી કરી હોવાની કબૂલાત કરી હતી. પોલીસે તમામ એક્ટિવા કબજે કરી કાર્યવાહી હાથ ધરી હતી.
