ન્યુ અલકાપુરીમાં મહિલાને પદાર્થ સૂંઘાડી બે ગઠિયા રૃ. 9 હજાર અને સોનાની બુટ્ટી કાઢી ફરાર

વડોદરાઃ શહેરના ભાયલી વિસ્તારમાં સવારના સમયે એક મહિલાને વાતોમાં ફસાવી બે ગઠિયા કાનની બુટ્ટી અને રોકડા રૃ.૯ હજાર લૂંટી ફરાર થઇ ગયા હતા.

ભાયલીની અર્બન રેસિડેન્સી-૪ ખાતે રહેતા અને રસોઇ કામ કરતા વિલાસબેન ચૌહાણે પોલીસને કહ્યું છે કે,ગઇકાલે સવારે હું રસોઇ કામ કરીને પગારના રૃ.૯હજાર લઇ બીજે કામ કરવા જતી હતી ત્યારે સફેદ કપડાં પહેરેલ યુવક આવ્યો હતો અને તેણે મારાથી ટીવી તૂટી જતાં શેઠે કાઢી મૂક્યો છે..પગાર પણ આપ્યો નથી,સુરત જવું છે..તેમ કહેતાં મેં તેને રૃ.૫૦૦ આપ્યા હતા.

યુવકે આ નોટ અસલી છે કે નહિ તે ચેક કરી હતી.ત્યારપછી મેં તેને બીજી નોટો  પણ ચેક કરવા આપી હતી.આ વખતે પીળો શર્ટ પહેરેલ  બીજો સાગરીત આવ્યો હતો અને તેણે કોઇ પદાર્થ સૂંઘાડી નોટો લઇ લીધી હતી. આ યુવકે મારા કાનની અડધા તોલાની  સોનાની બુટ્ટી પણ કાઢી રૃમાલમાં મૂકી હતી.ત્યારબાદ મેં રૃમાલ જોતાં રૃપિયા કે બુટ્ટી કાંઇ નહતું.જેથી તપાસ કરતાં બંને યુવકો નજરે પડયા નહતા.ગોત્રી પોલીસે આ અંગે ગુનો નોંધી તપાસ હાથ ધરી છે.