અમદાવાદમાંથી વધુ બે નકલી અધિકારીઓ ઝડપાયા, SP કચેરીમાં પહોંચતાં ભાંડો ફૂટ્યો

Fake Officer In Ahmedabad: અમદાવાદ ગ્રામ્ય પોલીસે સરકારી અધિકારીઓ તરીકે ઢોંગ કરતા ચાર વ્યક્તિઓની ધરપકડ કરીને એક મહત્વપૂર્ણ કાર્યવાહી કરી છે. આ વ્યક્તિઓ રાષ્ટ્રીય પ્રતીક, અશોક સ્તંભવાળા ઓળખપત્રો ધરાવતા હતા અને કેન્દ્ર સરકારના એક નિકાય સાથે સંકળાયેલા હોવાનો ખોટો દાવો કરતા હતા. આરોપીઓને અમદાવાદ ગ્રામ્ય પોલીસ અધિક્ષક (SP) કાર્યાલયમાં એક કથિત તપાસ સંસ્થાના ઉચ્ચ અધિકારીઓ તરીકે રજૂ થઈને પ્રવેશ મેળવવાનો પ્રયાસ કરતી વખતે પકડવામાં આવ્યા હતા. બાદમાં તેમને વધુ તપાસ માટે સરખેજ પોલીસ સ્ટેશનને સોંપવામાં આવ્યા હતા.

મકરબા ખાતે SOG માં ફરજ બજાવતા ASI મનુભાઈ વાજુભાઈ જાદવ દ્વારા દાખલ કરવામાં આવેલી ફરિયાદ અનુસાર, આ ઘટના 3 જૂન 2025 ના રોજ આશરે બપોરે 2:45 વાગ્યે બની હતી. આરોપીઓ, જેમાં મયુર સિંહ ડી. ચુડાસ મુખ્ય હતો. SOG કાર્યાલયમાં પોતાની ઓળખ "નેશનલ ક્રાઈમ ઇન્વેસ્ટિગેશન કમિશન" (NCIC ફાઉન્ડેશન) નામની સંસ્થામાંથી હોવાનું આપીને "લોકોની સેવા કરવા" આવ્યા હોવાનો દાવો કર્યો હતો.

તેમની શંકાસ્પદ વર્તણૂકને કારણે પોલીસ કર્મચારીઓએ તેમની પૂછપરછ કરી અને તેમના આઇકાર્ડની તપાસ કરી. આ દરમિયાન જયેશ પ્રવીણચંદ્ર ગજ્જર, ઉત્સવ વિષ્ણુભાઈ પંચાલ, પ્રિતમસિંહ રામદાસ પ્રજાપતિ, અને પ્રવીણભાઈ ગેલાજી ઠાકોરે "નેશનલ જોઈન્ટ ડિરેક્ટર", "નેશનલ ડિરેક્ટર", અને "નેશનલ વાઇસ પ્રેસિડેન્ટ" ના હોદ્દા દર્શાવતા ID કાર્ડ રજૂ કર્યા હતા. જેમાં અશોક સ્તંભ અને રાષ્ટ્રીય ચિહ્નોનો ખોટો ઉપયોગ કર્યો હોવાનું તપાસમાં સામે આવ્યું હતું. તેમના આઇકાર્ડમાં ભારત સરકારના MSME મંત્રાલય અને 'Joint Director', 'National Director', 'Vice President' જેવા પોસ્ટ દર્શાવવામાં આવી છે. ID કાર્ડ પર 31 માર્ચ 2026 સુધીની માન્યતા દર્શાવવામાં આવી હતી અને અમદાવાદ સ્થિત વિવિધ રહેઠાણના સરનામાનો ઉલ્લેખ હતો. તેમની સાથે આવેલા પાંચમા વ્યક્તિ, યોગેશ ઈશ્વરભાઈ પંચાલે સ્વીકાર્યું કે તેની પાસે આવું કોઈ ઓળખપત્ર નથી.

પૂછપરછ દરમિયાન, આરોપીઓએ સ્વીકાર્યું કે તેઓ પંજાબ સ્થિત રૂમનગર એક ખાનગી સંસ્થા સાથે સંકળાયેલા હતા અને સરકારી કર્મચારીઓ નથી. રાષ્ટ્રીય પ્રતીક અને ખોટા હોદ્દાઓના તેમના ઉપયોગને ભારતીય દંડ સંહિતાની કલમ 205 હેઠળ ગંભીર ગુનો નોંધી આરોપીઓની ધરપકડ કરી છે.