મુંબઇથી મેફેડ્રોન લાવી એક વર્ષથી વેંચતા બે મિત્રો ઝડપાયા

એક આરોપી રાજકોટનો અને બીજો બિલખાનો

શરૂઆતમાં બંને આરોપીઓ બંધાણી હતા, ખર્ચો કાઢવા પેડલર બની ગયા

એસઓજીનાં પીઆઇ એસ.એમ.જાડેજાએ બંને આરોપીઓ પાસેથી કુલ રૂા.૧.૨૧ લાખનું મેફેડ્રોન ડ્રગ્સ, ટુ-વ્હીલર અને બે મોબાઇલ ફોન મળી કુલ રૂા.૨.૨૧ લાખનો મુદ્દામાલ કબજે કર્યો હતો. એસઓજીએ તપાસ કરતાં જાણવા મળ્યું હતું કે બંને આરોપીઓ છેલ્લા એકાદ વર્ષથી ડ્રગ્સનો વેપલો કરતા હતા. મુંબઇથી ડ્રગ્સ લાવી છુટક પડીકી બનાવી વેચતા હતા. 

મોટાભાગના પેડલર શરૂઆતમાં બંધાણી હોય છે. ત્યાર પછી ડ્રગ્સનાં ખર્ચા કાઢવા માટે તેને વેચવાના રવાડે ચડી જાય છે. એસઓજીનાં સુત્રોએ જણાવ્યું કે આ બંને આરોપીઓ પણ શરૂઆતમાં બંધાણી હતા. બાદમાં પેડલર બની ગયા હતા.

બંને આરોપીઓ સામે ગાંધીગ્રામ-૨ પોલીસ મથકમાં ફરિયાદ નોંધાવાઇ છે. આરોપી મૌલિક લાંબો ગુનાઇત ઇતિહાસ ધરાવે છે. તેના વિરુદ્ધ રાજકોટ, વેરાવળ અને મોરબીમાં ચોરી, દારૂનાં નવ ગુના નોંધાઇ ચુક્યા છે. ૨૦૧૫માં તેની પાસા તળે પણ અટકાયત કરવામાં આવી હતી. બીજો આરોપી મયૂર ઉર્ફે લાલુ ગાંધીગ્રામ પોલીસ મથકમાં ૨૦૨૧ની સાલમાં ડ્રગ્સનાં કેસમાં પકડાઇ ચુક્યો છે.