મુલેરગામની ચોગલે સોલ્ટ કંપનીમાંથી બે બાળ મજૂરોને મુક્ત કરાવ્યા

એન્ટી હ્યુમન ટ્રાફિક ઇન યુનિટ દ્વારા ગઈ તા. 25 સપ્ટેમ્બરના રોજ વાગરા તાલુકાના મુલેરગામ ખાતે આવેલ ચોગલે સોલ્ટ વકર્સ પ્રા.લિ. કંપનીમાં દરોડો પાડવામાં આવ્યો હતો. અને કંપનીમાં ઢગલામાંથી મીઠું ઉતારવાનું કામ કરતા ઉત્તર પ્રદેશના 16 વર્ષના સગીર તથા મીઠાના પેકેટ બનાવતા ઉત્તર પ્રદેશના 17 વર્ષના સગીરને બાળમજૂરીમાંથી મુક્ત કરાવ્યા હતા. કંપનીના ડાયરેક્ટર પંકજ મહાવીર પ્રસાદ તોડી (રહે- આંગન એન્કલેવ, ઝાડેશ્વર, ભરૂચ) સામે ફરિયાદના આધારે વાગરા પોલીસે બાળમજૂર પ્રતિબંધ અધિનિયમ હેઠળ કાર્યવાહી હાથ ધરી હતી.