શહેરમાં ડ્રિન્ક એન્ડ ડ્રાઇવના બે કેસ, બંને કાર ચાલક સહિત ત્રણની ધરપકડ

વડોદરાઃ શહેરમાં અકસ્માતોના  બનાવની વણઝાર તેમજ બેફામ ડ્રાઇવિંગના બનાવો વચ્ચે પોલીસે ડ્રિન્ક એન્ડ ડ્રાઇવના બે કેસ કરી કુલ ત્રણ જણાની ધરપકડ કરી છે.

પોલીસના જણાવ્યા પ્રમાણે,નંદેસરી જીઆઇડીસી વિસ્તારમાં ગઇકાલે સાંજે એક કાર વાંકીચૂકી આવતી હોવાથી પોલીસને શંકા ગઇ હતી.પોલીસે કાર અટકાવી તપાસ કરતાં ડ્રાઇવિંગ સીટ પર બેઠેલો વિપુલ છોટાભાઇ પરમાર તેમજ તેની સાથે બેઠેલો પિંકેશ હસમુખભાઇ પરમાર(બંને રહે. નારપુરા ગામ,આંકલાવ,આણંદ)દારૃના નશામાં જણાઇ આવ્યા હતા.જેથી  બંને સામે કેસ કર્યો હતો.

આવી જ રીતે સમાના જવાહરનગર હનુમાન મંદિર પાસે પોલીસે એક કારને અટકાવતાં તેનો ચાલક પવાસ દેવરાજ અરોરા (સ્થાપત્ય-૨, ટીપી-૧૩,છાણી) દારૃના નશામાં જણાઇ આવ્યો હતો.જેથી પોલીસે તેની પણ ધરપકડ કરી કાર કબજે લીધી હતી.