અમરેલી: ધારીના શેમરડી પાસે નિર્માણાધીન બ્રિજમાં બાઈક ખાબકતા યુવકનું કરૂણ મોત
Summarized by AI; it may make mistakes. Check important info
Summarized by AI; it may make mistakes. Check important info
Amreli Accident: અમરેલી જિલ્લાના ધારી પંથકમાં રાત્રિના સમયે એક ગમખ્વાર અકસ્માત સર્જાયો છે. શેમરડી ગામ નજીક નિર્માણાધીન બ્રિજમાં એક બાઈકચાલક ખાબકતા ગંભીર ઈજાઓને કારણે તેનું મોત નીપજ્યું હતું. આ ઘટનાને પગલે દલખાણીયા ગામમાં શોકનું મોજું ફરી વળ્યું છે.
અંધારામાં બ્રિજ દેખાયો નહીં અને સર્જાયો અકસ્માત
મળતી માહિતી અનુસાર, દલખાણીયા ગામનો વતની જાનમહમંદ બલોચ નામનો યુવક રાત્રિના સમયે બાઈક લઈને પસાર થઈ રહ્યો હતો. શેમરડી ગામ પાસે હાલમાં નવા બ્રિજનું કામ ચાલી રહ્યું છે. રાત્રિના ઘાટ અંધારામાં નિર્માણાધીન બ્રિજ કે ત્યાં મુકવામાં આવેલા આડત (બેરિકેટ્સ) દેખાતા ન હોવાથી યુવકનું બાઈક સીધું બ્રિજના ખુલ્લા ભાગમાં ખાબક્યું હતું.
અકસ્માતની જાણ થતાં જ આસપાસના લોકો અને માર્ગ પરથી પસાર થતા વાહનચાલકો એકઠા થઈ ગયા હતા. લોહીલુહાણ હાલતમાં જાનમહમંદને તાત્કાલિક 108 એમ્બ્યુલન્સ મારફતે ધારી સિવિલ હોસ્પિટલ ખાતે સારવાર માટે ખસેડવામાં આવ્યો હતો. જોકે, ગંભીર ઈજાઓ પહોંચી હોવાથી હોસ્પિટલના સારવાર દરમિયાન જ યુવકનું કરૂણ મોત નીપજ્યું હતું. પોલીસે આ મામલે અકસ્માતનો ગુનો નોંધી વધુ તપાસ હાથ ધરી છે અને મૃતદેહને પોસ્ટમોર્ટમ માટે ખસેડવાની તજવીજ કરી છે.
