વડોદરાના સમા સાવલી રોડ પર ક્લિનિકમાં બપોરે ચોરોએ પોણો કલાક ફેરો કર્યો, છેલ્લે લેપટોપ અને 400 રૂપિયા લઈ ગયા

Vadodara : વડોદરાના સમા સાવલી રોડ પર ત્રાટકેલા ચોરો લેપટોપ અને રોકડ ઉઠાવી ગયા હતા. જોકે ચોરોને ધાર્યા પ્રમાણે સફળતા મળી ન હતી. 

સમા સાવલીરોડ ઉપર પાણીની ટાંકી પાસે આવેલા એક ક્લિનિકમાં બપોરે નકુચો તોડી ત્રાટકેલા ચોરો પોણો કલાક સુધી ક્લિનિકમાં ચીજ વસ્તુઓ ફંફોસી હતી. પરંતુ તેમને જે મુજબની આશા હતી તે મુજબ કાંઈ હાથ લાગ્યું ન હતું. 

આખરે ચોરો લેપટોપ અને રોકડા રૂ.400 લઈને ઝડપભેર નીકળી ગયા હતા. બનાવ અંગે દિપકભાઈ પારેખે સમા પોલીસને જાણ કરતા પોલીસે સીસીટીવી ફૂટેજના આધારે તપાસ શરૂ કરી છે.