આણંદના મકાનમાંથી ચોરી કરનાર વડોદરાનો ચોર રોકડા 3 લાખ ઘેર મૂકવા આવતાં પકડાઇ ગયો

વડોદરાઃ વડોદરામાંથી પકડાયેલા એક ચોર પાસે આણંદની ઘરફોડ ચોરીનો ભેદ ખૂલ્યો છે અને તેની પાસે ચોરીના રૃ.૩ લાખ રોકડા પણ મળી આવ્યા છે.

અજબડી મિલ નજીકથી ક્રાઇમ બ્રાન્ચે સાગર કૈલાસભાઇ વાઘેલા(કુંભારવાડા, પાણીગેટ)ને અટકાવી તપાસતાં તેની પાસે મોટી રોકડ રકમ મળી હતી.જેથી પોલીસે વધુ પૂછપરછ કરતાં ૩૫ દિવસ પહેલાં તેણે સાગરીતો સાથે આણંદના મકાનમાંથી રૃ.૮ લાખ ઉપરાંતની ચોરી કરી હોવાની વિગતો ખૂલી હતી.ચોરેલી રકમ પૈકીની રોકડ રકમ તે ઘેર મુકવા જઇ રહ્યો હતો.

વધુ પૂછપરછ દરમિયાન સાગરે આણંદ ખાતે ઘરફોડ ચોરી અને વાહનચોરીના ચાર આચર્યા હોવાનું બહાર આવ્યું હતું.જેથી આણંદ પોલીસને જાણ કરવામાં આવી છે.