Get The App

અમદાવાદથી કારમાં ચોરી કરવા આવતો ચોર પકડાયો,છ કારના સ્પેરવ્હીલ ચોર્યા હતા

Updated: Jan 8th, 2026

GS TEAM

Google News
Google News
અમદાવાદથી કારમાં ચોરી કરવા આવતો ચોર પકડાયો,છ કારના સ્પેરવ્હીલ ચોર્યા હતા 1 - image

વડોદરાઃ શહેર પોલીસે જુદાજુદા ગુનાઓમાં લાંબા સમયથી વોન્ટેડ બે આરોપીને ઝડપી પાડયા છે.

અમદાવાદથી એક ગઠિયો કારમાં વડોદરા આવી હાઇવે પર પાર્ક કરેલી કારમાંથી  સ્પેર વ્હીલ ચોરી કરતો હોવાની વિગતો મળતાં ક્રાઇમ બ્રાન્ચે વાઘોડિયા રોડ વિસ્તારમાંથી અરવિંદ અમથાભાઇ સેનવા (પિંગળજ ગામ,નગરી ફળિયું,ખેડા)ને ઝડપી પાડયો હતો.તેણે છ ગુના આચર્યા હોવાની વિગતો બહાર આવી હતી.

આવી જ રીતે નવાયાર્ડ વિસ્તારમાં ૧૧ વર્ષ પહેલાં રાયોટિંગનો ગુનો નોંધાયો હતો.જેમાં સીસીટીવી કેમેરા તોડીને મોબાઇલની લૂંટ કરવામાં આવી હતી.જે ગુનામાં વોન્ટેડ કિરણ મણીલાલ બારીયા (શ્રીનાથ પેટ્રોલ પંપ પાસે,કાસમઆલા કબ્રસ્તાન નજીક,ભૂતડીઝાંપા)ને પોલીસે ઝડપી પાડયો છે.