સોશ્યલ મીડિયા પર સંપર્ક કરી યુવકને ટેરેસ પર બોલાવ્યા બાદ માર મારીને રૃપિયા ટ્રાન્સફર કરાવી લીધા

વડોદરાઃ ગોરવા વિસ્તારમાં ડેટિંગ એપ પરથી સંપર્ક કરી યુવકને ટેરેસ પર બોલાવ્યા બાદ માર મારીને રૃપિયા પડાવી લેવાના જુદાજુદા બે બનાવ બનતાં ગોરવા પોલીસે તપાસ હાથ ધરી છે.

અન્ય રાજ્યમાંથી આવેલા યુવકે પોલીસને કહ્યું છે કે,ડેટિંગ એપ મારફતે આરોપીએ મધુનગર બ્રિજ પાસે  બોલાવ્યો હતો અને ત્યારબાદ મલહરબા પાર્કના એક મકાનની ટેરેસ પર લઇ જઇ પટ્ટા વડે માર મારી રૃ.૬ હજાર ટ્રાન્સફર કરાવી લીધા હતા.

આ  ફરિયાદમાં પોલીસે જુબેર પઠાણ,તમજિદ પઠાણ અને સાજાબ પઠાણ સામે ગુનો નોંધી જુબેરની અટકાયત કરી છે.આ પ્રકારે બીજા પણ એક યુવક પાસેથી રૃ.૪૦ હજાર ટ્રાન્સફર કરાવી લેવામાં આવ્યા હોવાની પણ વિગતો મળતાં પીઆઇ લાઠિયાએ તપાસ હાથ ધરી છે.