મોટા ખુંટવડા-ઉગલવાણનો રસ્તો ખખડધજ, વાહનચાલકોને મુશ્કેલી

- નાળાની નીચે માટીનું ધોવાણ થતા અકસ્માતની ભીતિ વધી

- ઘણાં લાંબા સમયથી રસ્તાનું રિ-કાર્પેટીંગ કરવામાં આવ્યું ન હોવાનો ગ્રામજનોમાં કકળાટ

મોટા ખુંટવડા-ઉગલવાણ રસ્તા પર આવેલું નાળું ચોમાસાના પ્રથમ વરસાદમાં જ ધોવાઈ ગયું હતું. આ રસ્તા પરથી મોટા ખુંટવડા, ઉગલવાણ અને અન્ય ગામના લોકો પસાર થતાં હોય, નાળાની નીચેના ભાગમાં માટીનું ધોવાણ થતાં અકસ્માતની ભીતિ વધી છે. રસ્તાનું ઘણાં લાંબા સમયથી રિ-કાર્પેટીંગ થયું નથી. તેવામાં  કોઈ દુર્ઘટના સર્જાઈ તે પહેલા નાળાની નીચે માટી નાંખી પોલાણ બૂરવા તેમજ પાકી દિવાલ બનાવવાની ગ્રામજનોમાં માંગ ઉઠી છે.