કોર્પોરેશન જુદી જુદી ટીપી સ્કીમો હેઠળના ૨૪ રસ્તાઓ ખુલ્લા કરશે

 વડોદરા,વડોદરા મ્યુનિ.કોર્પોરેશને તૈયાર કરેલી ટીપી સ્કીમોમાં રસ્તા ખુલ્લા કરવાની કામગીરી શરૃ કરવાનું  આયોજન હાથ ધર્યું છે.

ગોત્રી, તાંદળજા, ઉંડેરા-અંકોડિયા, અટલાદરા, બાપોદ, ભાયલી-ગોકુળપુરા-રાયપુરા, કલલાલી, બિલ, ગોરવા-નવાયાર્ડ, સૈયદ-વાસણા, અને સુભાનપુરામાં આ ટીપી સ્કીમો આવેલી છે. 

જ્યાં ૭.૫૦ મીટરથી માંડીને ૧૨ મીટર, ૧૮ મીટર પહોળાઇ ધરાવતા રોડ ખુલ્લા કરવાના થાય છે. ટીપી-૮, ટીપી-૨૬, ટીપી-૪૩, ટીપી-૨૦, ટીપી-૨૪, ટીપી-૫૧, ટીપી-૨૭, ટીપી-૫૫, ટીપી-૪૩, ટીપી-૨૩, ટીપી-૨, ટીપી-૧૦ વગેરે ટીપી સ્કીમમાં આવતા આશરે ૨૪ રસ્તા ખુલ્લા કરવામાં આવશે.

કોર્પોરેશનના કહેવા મુજબ આ રસ્તા ખુલ્લા થવાથી અંદાજે દોઢ લાખ લોકોને આવજા કરવામાં સરળતા રહેશે. આ રોડ ખુલ્લા થવાથી વીજળી, પાણી, ડ્રેનેજ, સ્ટ્રીટલાઇટ અને અન્ય મૂળભૂત સુવિધાઓ  ઊભી કરવામાં આવશે.