જામનગર શહેરમાં શનિવારે રાત્રે પોલીસની કોમ્બિંગ ડ્રાઈવમાં અનેક વાહન ચાલકો દંડાયા

જામનગર શહેરમાં ટ્રાફીક પોલીસની નાઈટ કોમ્બિંગ ડ્રાઈવમાં ટુ-વ્હીલર, ફોર વ્હીલરો અને મોટા વાહન ચાલકો ટ્રાફિક નિયમોનો ભંગ કરનારા સામે દંડાત્મક કાર્યવાહી કરવામાં આવી છે. ટ્રાફીક પોલીસ દ્વારા અવાર-નવાર ચેકીંગ તેમજ કોમ્બિંગ ડ્રાઈવ યોજવામાં આવે છે. જેમાં ટ્રાફિક નિયમોનો ભંગ કરનારા વાહન ચાલકો સામે કડક હાથે કાર્યવાહી કરવામાં આવે છે. 

દરમિયાન ગત શનિવારે યોજાયેલી કોમ્બિંગ નાઈટ ડ્રાઈવમાં ટ્રાફીક પીઆઈ એમ. બી. ગજ્જરના માર્ગદર્શન હેઠળ જુદી જુદી પીએસઆઈ આર. એલ. કડોરીયા, બી. જે. તીરકર, આર.સી.જાડેજા સહિતની આગેવાનીમાં ટીમો બનાવવામાં આવી હતી અને શહેરના જુદા જુદા વિસ્તારોમાં કોમ્બિંગ ડ્રાઈવ યોજવામાં આવી હતી. 

જેમાં ટ્રાફિક નિયમોનો ભંગ કરનાર વાહન ચાલકો સામે દંડનાત્મક કામગીરી કરવામાં આવી હતી, અને રૂ.12,000થી વધુનો દંડ વસુલ કરવામાં આવ્યો હતો.