આંકલાવમાં પરિણીતા દોઢ વર્ષની પુત્રી સાથે ગુમ થતાં શોધખોળ

- રૂદેલ અને ખંભાતમાં યુવતી લાપતા 

- પોલીસે જાણવાજોગ નોંધ કરીને વિવિધ સ્થળોએ યુવતીઓની તપાસ હાથ ધરી 

આણંદ : બોરસદના રૂદેલની યુવતી, ખંભાતની યુવતી અને આંકલાવના પ્રકાશ નગરની પરિણીતા દોઢ વર્ષની પુત્રી સાથે રહસ્યમય રીતે લાપતા થઇ હતી. આ મામલે પોલીસે ગુના નોંધીને તપાસ હાથ ધરી છે. 

બોરસદના રૂદેલના શરણાઈકુઇ ખાતે રહેતીભારતીબેન કનુભાઈ ભોઈ ૪ ફ્રેબુઆરીએ કોઇને કંઇ કહ્યા સિવાય ઘરેથી નિકળી ગઇ હતી. પરિવારજનોએ શોધખોળ કરી છતાં પણ પત્તો લાગ્યો ન હતો. બોરસદ ગ્રામ્ય પોલીસ મથકમાં જાણ કરી હતી. ખંભાતના ગાયત્રી નગરની પાછળ આવેલા નારાયણ નગરમાં રહેતી ધરતી દલસુખ પંચાલ ૧૩મી ફેબુ્રઆરીએ કોઇ અગમ્ય કારણોસર ક્યાંક ચાલી જઇ ગુમ થઇ હતી. આ મામલે દલસુખભાઇ પંચાલે ખંભાત શહેર પોલીસ મથકમાં જાણ કરતા પોલીસે જાણવા જોગ નોંધ કરી તપાસ હાથ ધરી છે. 

આંકલાવના પ્રકાશ નગર માદા તલાવડી ખાતે રહેતી અનસુર્યા બહેન મહેશ ઠાકોર દોઢ વર્ષની દિકરીને સાથે લઇ તા. ૧૨મી ફ્રેબુઆરીના રોજ પિતાના ઘરેથી સાસરીમાં મોટો દિકરો રહેતો હોવાથી તેને લેવા જાઉં છું તેમ કહી ઘરેથી નિકળ્યા બાદ લાપત્તા થઇ હતી. પરિવારજનોએ શોધખોળ કરી છતાં પત્તો નહીં લાપતા સતિષ ઠાકોરે આંકલાવ પોલીસ મથકમાં જાણ કરતા પોલીસે જાણવા જોગ નોંધ નોંધીને બંનેની શોધખોળ હાથ ધરી છે.