મિત્રએ છરીના ઘા મારતા બે યુવકો લોહી લુહાણ

 અમદાવાદ, શનિવાર

દાણીલીમડામાં બે મિત્રો દુકાન આગળ બેઠા હતા. જ્યાં એક મિત્ર ત્યાંથી પસાર થતાં મિત્રે તેને બૂમો પાડીને બોલાવ્યો હતો પરતું તે ઉભો રહ્યો ન હતો. થોડીવારમાં ફરીથી મિત્ર પરત આવતા કેમ સંભળાતું નથી કહેતા મિત્રએ ઉશ્કેરાઇને  બન્ને યુવકોને છરીના ઘા મારીને નાસી ગયો હતો. દાણીલીમડા પોલીસે ગુનો નોંધીને સીસીટીવી ફૂટેજ આધારે વધુ તપાસ હાથ ધરી છે.

યુવકો દુકાન પાસે બેઠા હતા મિત્રને બૂમો પાડીને બોલાવતા ઉભો રહ્યો ન હતો ઃ  બન્ને ગંભીર હાલતમાં સારવાર હેઠળ

દાણીલીમડામાં રહેતા યુવકે દાણીલીમડા પોલીસ સ્ટેશનમાં દાણીલીમડામાં મિત્ર સામે ફરિયાદ નોંધાવી છે કે ગઇકાલે રાતે યુવક અને તનો મિત્ર ની આઝાદ હેરસ્ટાઇ સલૂન દુકાન પાસે બેઠા હતા. આ સમયે આરોપી મિત્ર  દુકાન આગળથી નીકળ્યો હતો. જેથી મજરે તેને બૂમ પાડીને બોલાવ્યો પરંતુ તે ઉભો રહ્યો ન હતો. 

થોડીવાર બાદ આરોપી ફરીથી દુકાન આગળથી નીકળતા ફરિયાદીએ તેને ઉભો રાખીને કેમ સંભળાતું નથી કહેતા આરોપી ઉશ્કેરાઇને મારામારી કરીને ત્યાંથી જતો રહ્યો હતો. થોડીવાર પછી  ફરીથી પરત આવીને બન્ને મિત્રોને છરીના ઘા મારીને નાસી ગયો હતો. જ્યારે ઇજાગ્રસ્ત યુવકોને  સારવાર માટે સિવિલ હોસ્પિટલમાં દાખલ કરવામાં આવ્યા હતા.