પોઈચા ફ્રેન્ચવેલથી હયાત પાણીની લાઈન બદલવા રૂ. 107 કરોડ ખર્ચાશે

વડોદરા પાલિકાનાં પાણી પુરવઠા શાખા હસ્તકનાં ચાર ફ્રેન્ચવેલો ફાજલપુર, રાયકા, દોડકા, પોઈચા તેમજ દોડકા 50 એમ.એલ.ડી. ઇન્ટેકવેલ મહીસાગર નદીમાં આવેલા છે. આ સ્ત્રોતો દ્વારા શહેરમાં પહોંચાડાતા પાણીનાં જથ્થા પૈકી 50થી 55 ટકા જેટલો પાણીનો જથ્થો પુરો પાડવામાં આવે છે. રાયકા ફ્રેન્ચવેલ ખાતેથી ચોમાસા દરમ્યાન ડહોળા પાણીની સમસ્યા દુર કરવા તેમજ રેડીયલ પાઈપો ઉપર સીલ્ટીંગ થવાથી રાયકા ખાતેના ફેન્ચવેલમાંથી 30થી 40 એમએલડી પાણી ઓછુ મળતું હોવાથી ચોમાસા દરમ્યાન અપૂરતા પાણીની ઘટ સરબર કરવા, ડહોળા પાણીની સમસ્યા દુર કરવા તથા શહેરમાં સમગ્ર વર્ષ દરમ્યાન નાગરીકોને પુરતું પીવાલાયક પાણી મળી રહે તે હેતુથી રાયકા ફ્રેન્ચવેલની પાસે 150 એમએલડી ઇન્ટેકવેલ, તેમજ 75 એમએલડી ક્ષમતાનો નવિન WIP તથા ટ્રાંન્સમીશન નળીકાની જરૂરીયાત આધારે સલાહકર મલ્ટીમીડીયા કેન્સલટન્ટ પ્રા.લી.ને પાણી પુરવઠા દ્વારા Detail Project Report (DPR) તેમજ ટેન્ડર તૈયાર કરવા, વર્ક ઓર્ડર આપવા સુધીની કામગીરી માટે વર્ક ઓર્ડર આપવામાં આવેલ હતો. જે અન્વયે સલાહકાર દ્વારા તૈયાર કરેલ GST સહિત રૂ.258,39,70,974.91 રકમના Detail Project Report (DPR)ને તા.04.09.2023થી મંજુરી મળેલ છે. (સદર કામે ભાવપત્ર બે ભાગમાં એટલે કે WTP અને Intake well અને પાઈપ લાઈનનું મંગાવવા મંજૂરી મળેલ), ઇન્ટેકવેલ અને વોટર ટ્રીટમેન્ટ પ્લાન્ટની કામગીરી સ્થળ પર પ્રગતિ હેઠળ છે.

કામ પૈકી પોઇચા ફ્રેન્ચવેલથી એરપોર્ટ સર્કલ સુધી તથા સૂચિત રાયકા ખાતેનાં વોટર ટ્રીટમેન્ટ પ્લાન્ટથી હયાત 1354 મી.મી વ્યાસની નળીકા સુધી એમ.એસ. ટ્રાન્સમીશન નળીકા નાખવાના કામનો અંદાજ OST સિવાય રૂ.196,58,13,144નો થાય છે. ઇજારદાર મે. ક્લાસીક નેટવર્ક પ્રા. લી.નું ઈજારદારનું ભાવપત્રક 0.67% વધુ મુજબ રૂ. 107,29,96,323,30નું છે. દરખાસ્તને સ્થાયી સમિતિમાં રજુ કરી મંજૂરી મેળવી આપવા પ્રક્રિયા હાથ ધરવામાં આવી છે.