Vadodara Dirty Water : વડોદરા શહેરના કિશનવાડી વિસ્તારમાં દૂષિત પાણીની સમસ્યાથી કંટાળેલી મહિલાઓ હાથમાં દુષિત પાણી ભરેલા બોટલો સાથે કોર્પોરેશનની વોર્ડ કચેરીએ ઘસી જઈ ભારે હોબાળો મચાવ્યો હતો.
વડોદરાના પૂર્વ વિસ્તારમાં અને મ્યુ.કોર્પોરેશનના વોર્ડ નં.5માં સમાવિષ્ટ કિશનવાડી વિસ્તારમાં દૂષિત પાણીની સમસ્યા સામે આવી છે. રોષે ભરાયેલી ગૃહિણીઓ મ્યુ.કોર્પોરેશનની વોર્ડ નં.5ની કચેરી ખાતે પહોંચી દૂષિત પાણી ભરેલી બોટલો બતાવી કોર્પોરેશનના અધિકારીઓ સામે રોષ ઠાલવ્યો હતો. મહિલાઓનું કહેવું હતું કે, કબીર ચોકના 30 મકાનોમાં છેલ્લા એક વર્ષથી કાળા રંગનું દુર્ગંધયુક્ત દૂષિત પાણી આવે છે. જેથી પાછળની લાઈનમાંથી પાણીને પાણી ભરીને લાવીએ છીએ. પરંતુ તે પણ પીળાશ પડતું અને દુર્ગંધ યુક્ત છે. જેથી પીવા માટે પાણીના જગ ખરીદવાની નોબત આવી છે. અગાઉ આ બાબતે કોર્પોરેશનના અધિકારી અને કાઉન્સિલરોને રજૂઆત કરી ચૂક્યા છે. છતાં સમસ્યાનો કાયમી ઉકેલ આવી રહ્યો નથી. તાજેતરમાં કોર્પોરેશનની ચૂંટણી યોજાશે. અમને વહેલી તકે શુદ્ધ પાણી નહીં મળે તો મતદાન કરવાનું ટાળીશું.
