બે મહિનામાં ખનીજ ખનન, વહનના 68 કેસમાં 1.01 કરોડની વસૂલાત

- આણંદ જિલ્લામાં વિવિધ વિસ્તારોમાં તંત્રની તપાસ 

- 46 ડમ્પર, 10 નાવડી, 12 એક્સવેટર સ્વેટર મશીન સહિત 13 કરોડનો મુદ્દામાલ જપ્ત 

આણંદ ખાણ અને ખનીજ વિભાગની મદદનીશ ભૂસ્તરશાસ્ત્રીની કચેરીએ ગેરકાયદે ખનીજ વહન,ખનન સહિતના ફરિયાદનોને લઇ મે -૨૦૨૫થી અત્યાર સુધીમાં વિવિધ વિસ્તારોમાં તપાસ હાથ ધરી હતી. જેમાં ખાનપુર, ખેરડા, અહીમાં, સીલી, પ્રતાપપુરા, રાજુપુરા, ઇસરવાળા, ઇન્દ્રણજ, વાસદ, વાણીયા કુવા, બોરસદ, સુંદલપુરા, વાસદ- ભેટાસી, ખોરવાડા અને લાલપુરા ખાતેથી બ્રિન અધિકૃત ખનન, સંગ્રહ અટકાવવા તપાસ હાથ ધરવામાં આવી હતી.  આ તપાસ દરમિયાન ૪૬ ડમ્પર, ૧૨ એક્સવેટર મશીન, ૫ ચારણા, પ ચાત્રિક નાવડી સહિત કુલ ૬૮ કેસ કરીને ૧.૦૧ કરોડની વસૂલાત કરવામાં આવી હતી. 

ઉમરેઠ તાલુકાના ખેરવાડ ગામેથી ૩ મશીન, લાલપુરથી ૨ મશીન, સુંદલપુરાથી એક, આણંદના રાજુપુરાથી ૨, વાસદ ગામેથી ૨, સોજીત્રાના મગરોલથી એક અને બોરસદ ખાતેથી ૧ સહિત ૧૨ એક્સ સ્વેટર મશીન જપ્ત કરવામાં આવ્યા છે.