ગુજરાતમાં 12 કલાકમાં 135 તાલુકામાં મેઘમહેર, સૌથી વધુ સુરતમાં 9.53 ઇંચ વરસાદ

Rain In Gujarat : રાજ્યમાં સૌરાષ્ટ્ર, દક્ષિણ અને ઉત્તર ગુજરાત સહિતના જિલ્લામાં ભારેથી અતિભારે વરસાદી માહોલ જામ્યો છે, ત્યારે આજે સોમવારે (23 જૂન) સવારે 6 વાગ્યાથી સાંજના 6 વાગ્યા સુધીમાં 135 તાલુકામાં વરસાદ નોંધાયો છે. જેમાં સૌથી વધુ સુરત સિટીમાં 9.53 ઇંચ વરસાદ ખાબક્યો છે. જેમાં 42 તાલુકામાં 1થી 9 ઇંચ સુધીનો વરસાદ પડ્યો છે. ચાલો જાણીએ કયા તાલુકામાં કેટલો વરસાદ વરસ્યો. 

12 કલાકમાં 135 તાલુકામાં વરસાદ

રાજ્યમાં આજે (23 જૂન) સાંજે 6 વાગ્યા સુધીમાં 135 તાલુકામાં હળવાથી અતિભારે વરસાદ ખાબક્યો છે. જેમાં સુરત જિલ્લામાં સૌથી વધુ અસર જોવા મળી છે, ત્યારે સુરતના કામરેજમાં 7.36 ઇંચ, પલસાણામાં 6.3 ઇંચ, બારડોલીમાં 4.8 ઇંચ, તાપીના ડોલવણમાં 4.29 ઇંચ, સુરતના ઓલપાડમાં 4.21 ઇંચ, આણંદના બોરસદમાં 3.62 ઇંચ વરસાદ નોંધાયો છે. જ્યારે 93થી વધુ તાલુકામાં 1 ઇંચથી ઓછો વરસાદ વરસ્યો છે. 

VIDEO: સુરતમાં આભ ફાટ્યું, 6 કલાકમાં 7 ઇંચથી વધુ વરસાદ, જ્યાં જુઓ ત્યાં પાણી જ પાણી

આજે 6 જિલ્લામાં રેડ ઍલર્ટ

આજે 23 જૂને સાંજે 7 વાગ્યાના Nowcast મુજબ આગામી 3 કલાક એટલે કે રાત્રે 10 વાગ્યા સુધીમાં દાહોદ, દેવભૂમિ દ્વારકા, પોરબંદર, જામનગર, પંચમહાલ અને રાજકોટ જિલ્લામાં રેડ ઍલર્ટ જાહેર કર્યુ છે. 

જુઓ ક્યાં કેટલો વરસાદ નોંધાયો