જામનગર શહેર ઉપરાંત દરેડ અને લાલપુર પંથકમાં ગઈકાલે પોલીસે જુગાર અંગે જુદા-જુદા 7 સ્થળોએ દરોડા પાડ્યા હતા અને કુલ 10 આરોપીઓની અટકાયત કરી લઈ રોકડ રકમ તેમજ જુગારની સામગ્રી કબજે કરી છે.
જામનગર શહેરમાં ગઈકાલે જુદા જુદા ચાર સ્થળો પર પોલીસે જુગારના દરોડા પાડ્યા હતા અને જાહેરમાં ચલણી નોટોના નંબર ઉપર હાર-જીતનો જુગાર રમી રહેલા 6 શખ્સોની અટકાયત કરી લઇ તેઓ પાસેથી રોકડ રકમ અને જુગારની સામગ્રી કબજે કરી છે.
આ ઉપરાંત દરેડ પંથકમાંથી જાહેરમાં વરલી મટકાના આંકડા લખી રહેલા બે શખ્સોને ઝડપી લેવાયા છે, જયારે લાલપુર માંથી પણ વરલીના આંકડા લખી રહેલો એક શખ્સ પોલીસના હાથે પકડાયો છે. જે તમામ સામે જુગાર ધારા ભંગ બદલ ગુના નોંધવામાં આવ્યા છે.
