તળાજાના લોકોને શેત્રુંજી ડેમમાંથી પીવાનું પાણી આપવાની રજૂઆત

- વર્ષ 1995-96 માં પમ્પિંગ સ્ટેશન ઉભું કરી પાણી આપવામાં આવતું હતું

- શેત્રુંજી નદી પરના ચેકડેમમાં ગામડાઓની ગટરનું પાણી ઠલવાતા પીવા લાયક નહીં

તળાજાના લોકોને વર્ષ ૧૯૯૫-૯૬માં છ ઈંચની લાઈન નાંખી પમ્પિંગ સ્ટેશન ઉભું કરી પીવાનું આપવામાં આવતું હતું. પરંતુ શાસકો અને નગરપાલિકા તંત્ર દ્વારા ધ્યાન આપવામાં ન આવતા લાઈન તૂટી ગઈ હતી. ત્યારબાદ તળાજાને પાણીને લઈ સ્વાવલંબી બનાવવા માટે વર્ષ ૨૦૦૩માં શેત્રુંજી નદી ઉપર ચેકડેમનું નિર્માણ કરાયું છે. પરંતુ આજની સ્થિતિએ આ ચેકડેમમાં ઉપરવાસના ગામોમાંથી ગટરના ગંદા પાણી ઠલવાતા હોવાના કારણે પીવા લાયક પાણી રહ્યું નથી. જેથી નગરપાલિકાના પ્રમુખ દ્વારા પાણી પુરવઠા મંત્રીને રજૂ-ાત કરી શેત્રુંજી ડેમથી તળાજા સુધી પાણીની લાઈન પાથરી તળાજાના લોકોને પીવાનું શુદ્ધ પાણી આપવામાં આવે તેવી માંગણી કરી છે.